24.9 C
Tura
spot_img

Gital Parliament-ko rikna gita a·songni PM pangchakaniko songe on·anga

Must read

Delhi, Dec 10: Gital Parliament-ko rikna gita pangchakaniko Bristibar salni bako a·songni Prime Minister Narendra Modi, New Delhi-o songe on·angaha.

Ia gital Parliament-na pangchakaniko songe on·angani somoio dingtang dingtang political dolni dilgiparang aro gipin a·songni dilgiparangba dongpae bak ra·angaha.

Gital Parliament-na pangchakaniko songe on·angani ja·man dingtang dingtang toromni manderang apsan bi·rimanikoba dakangjolaha.

Ia gital parliament-ko da·o ong·enggipa parliament-ni sambaon 64,500 square metre ong·gipa biapo rikna sienga aro ia gital parliament-na gong kror 971-ko hisape donenga.

Gital parliament-ko rikna gita 2019 bilsini August jaon, India a·songni Vice President aro Rajya Sabha-ni Chairman M Venkaiah Naidu baksana Lok Sabha-ni Speaker Om Birla, ku·rangko on·dilchengahachim.

“Prime Minister-ni Aatmanirbhar Bharat-ko dakmesokani gita ia gital parliament-ko an·ching an·tangtangni manderangan rikna siengani gimin ian an·chingna mikkim rasongni ong·enga,” ine Om Birla parakataha.

2022 bilsio India a·songni chang 75-gipa jakgitelani bilsiko manina gita ia gital parliament-o session-o ong·atna ma·mong sorkari ka·dongsoenga.

spot_img

More articles

spot_img
-->

Latest article