Shillong, March 5: GNLA dolko rikpiltaienga ine kobor nakatgipani bidingo aganengon, ua dolko rikpiltaigiparang sak 7 ba sak 8 gnang, aro uamangoni sak 3kode rim·aha ine North Garo Hillsni Superintendent of Police Bruno A Sangma aganaha. Dongkuenggipa manderangni bidingo sandikuenga aro uamangko watani dongjawa ine Bruno Sangma, Shillongo kobor ra·timgiparangna aganaha.
GNLA gital dake ong·kattaiengaha ine February 7 tariko social mediao niksona man·aha. Unoni ru·utgijan, tangka dabiani gimin February 27 tariko Kharkutta Police Stationo FIR ka·egipa dongaha. Ua FIR-o pangchaken police sandianiko a·bachengaha.
SP-ni aganani gitade, ua FIRni gita sandiange Resubelparani Singsan Marak aro A·dokgreni sakgni, Tilja Sangma aro Surya Sangmako rim·aha. Uamangko rim·e da·o sandidapani kamrang ong·kuenga.
Uamangoni Singsan Marak skangoba silchidare ra·e bobil dakgipa dolo napaha ine u·ina man·aha, aro uan ong·enggipa obostani bidingo policeni sandibatenggipa mande ong·a ineba SP aganaha.
“Uan Assam police aro Assam courtni sandienggipa mande ong·a aro sing·sandia matchoton Assamona pakwatatgen” ine Singsan-ni bidingo SP aganaha.
GNLAni donnue dongimin bang·a silchidarerangkon Williamnagar joloniko man·aha, indiba da·ororo gital man·dapa dongkujaenga ineba u·ina man·aha.
“Uamangoni training ra·giminde Singsan saksa mangmangsan. Uara skango ULA-o napgipa ong·a” ine SP agandapaha.
Na·simang iakoba poraie nina man·gen: Sandirikitaniko dakenggipa dolrang gitalgipa rokomni begonia pulko Arunachal Pradesh-o man•a
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in,-oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter-twitter.com/nemediahub
Youtube channel- www.youtube.com/@NortheastMediaHub2020
