Tura, March 18: Re·anggipa March jani 17 tariko, GSU Assam State Zone, batanggimin sal somoirango jat ge·gnini gisepo kajia golmalrang ong·anichi Chibinang jolo neng·nikaniko man·e Relief Camp-o dongenggipa A·chik nokdangrangko grongenba adita merong me·su samjakrang aro tangka paisa-rangko ra·ange on·achi duko ga·akenggipa A·chik nokdangrangna dakchakaniko on·eaha.
Assam a·dokni Goalpara aro Kamrup a·jani ning·o songdongenggipa pilak A·chik songantini dilgiparang baksana ma·a paarang aro toromni dilgiparangkoba uamangni jaksrambee on·gilpaanina GSU Assam State Zone mitelpilskaaniko dakataha. GSU Assam State Zone General Secretary Sengman Arengh, West Khasi Hills-ni Hatiabari jolni dilgiparang baksana GSU Assam State Zone, GSU Kamrup, Goalpara aro uni ning·o dongipa Regional Unit-ni dilgiparangkoba gisiko nangbee kamrangko dangdike on·ahanina uni gisik ka·tong gimikchi mitelpilskaaniko dakataha.
Iani gisepon, uamang Meghalaya-ni Skotong Minister Conrad K. Sangma-koba iandake duko ga·akenggipa A·chik nokdangrangko uamangni noktangtangona ta·rake watatpilna man·a gita aro Meghalaya a·doko West Garo Hills a·jani Chibinang jolo tom·tomaniko ra·bapilna ta·rake kamko ka·e on·pachinaba GSU Assam State Zone mol·molaniko dakataha.
Na·simang iakoba nina man·gen:
Na·simang iakoba poraina man·gen: Nagaon-ni MP, BJP-o napanga
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/ne_media_hub
