25.3 C
Tura
spot_img

GSU-CEC, Ampati bajar-o kajia ong.aniko jegalata

Must read

Tura, Dec 20: Zikku Balgra N.Marak-ni dilenggipa Garo Students’ Union (GSU) Central Executive Committee (CEC), Sonibar salo Ampati bajaro kajia golmal ong.ani raken jegalataha. “GSU maming saloba songsalo tom.tomaniko kajia golmal ka.e niamni kosako ong.gija kamko ka.ja”. ine GSU dilgipa parakataha.

Union Ampati-o ong.anggipa obostako rake jegalenba indakgipa kajia golmalko ong.ate saksa sakgipin baksa dakgrik dingrikaniko a.bachengdile dosi dakgiparangko sandichina aro niam gita sasti on.china district authority-rangko Union didiataha.

Unbaksana Garo Hills-o tom.tome janggi tangenggiapa manderang sorkarini niamko ja.rike mikkangchi indakgipa kamrangko ka.jachina gitaba GSU mol.molataha.
Uni gimin pilak Ampati-o songdongenggipa manderang meli nangrime saksa sakgipin baksa ka.sagrike janggi tangchina aro saksa sakgipinni mal gamrangko nosto ka.e galjachina gitaba mikkrakatangaha.

Da.o re.baenggipa adita salrangni gisepon dal.batgipa kusini sal Krismas aro Bilsi Gital-ko Garo Hills-ni dingtangdingtang biaprangon kusi ong.e manina ua salko sengsotokenga, uni gisepon darangba indakgipa jing.jengatani aro ka.a ding.chaogrikani kamrangko ka.pajachina Union mol.molataha.

spot_img

More articles

spot_img
-->

Latest article