Guwahati, April 28: Assam Guwahati-ni Mathgharia-o bilongbee gari a·sel ong·ani bidingo police dolrangni am·sandianiko dakanio, gari salgipa Shamim Ahmed aro sak 3 sianggipa me·chikrangara rama a·sel ong·e sina skang adita kontarangna nok kosako donggipa bar ba chu ringram biapo apsan somoirangko re·ataha ine u·ina man·aha.
Deputy Commissioner of Police (Traffic) Jayanta Sarathi Bora-ni kobor ra·timgiparangna u·iatani gitade, uamang Bhandagarh-ni Rudraksh Mall-o donggipa bar-o walni 11 bajio gariko dongdipate donenba ru·uta somoirangna apsan jinma bar-o somoiko re·ata ja·man, pringni 3 bajio bar-oni ong·kate uamang GS Road, RG Baruah Road, aro Mother Teresa Road gita 130km/h ong·pile ta·rakprete gariko salangaha, indake pringni 4:02 bajio Mathgharia-ona sokon uamang 96km/h-o salmitingosa bosturang salbaenggipa truck-o chagakeskaaha, jeon sak 3 me·chikrang janggitangko gimaataha ine CCTV aro GPS data-oniko nie u·ina man·aha.
Saknaa man·giparangna sana bananiko on·a Gate Hospital-ona rimangani gisepon, rim·a man·a skang Shamim Ahmed obosta ong·gipa biaponi kate chakenba, ja·mano Shillong, Sivasagar, aro Dibrugarh-gita katna jotton ka·beahachim.
A·sel ong·gipa gariara Pankaj Kumar Dutta-ni ong·achim jekon Bhargav Deka-na para on·skaengachim. Police dolrang, truck salgipa driver-koba rim·ani kosakon, uamang ta·rakprete gari salani agreba gipin niamrangko pe·ama pe·ja uarangko bidingo am·sandianirangko dakengkua.
Na·simang iakoba nina man·gen:
Na·simang iakoba poraina man·gen: GHADC election-ko tik ka•na skang delimitation committee-ni report-na sengkuenga: Tynsong
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/ne_media_hub
