Guwahati, May 28: Deckiajuli Tea Estate-ni nambegipa Assam CTC-ni cha bijakko, May 27 tariko Guwahati Tea Auction Centre-ni Auction Sale No. 22-o kg prako gong 800 ka·e palataha. Cha karkana, ian Assam cha-na “important benchmark moment” ong·a ine u·iatangaha.
Karkana-ni bidingo u·i-ma·sigiparangni aganani gitade, ia chu·sokaniara namen gamchatbegipa ong·a maina ia dam rake palna man·aniara dakrongbewal CTC auction gitasa sokdona man·aha aro ian Assam-o cha bijak bading chiwalani mongsonggipa bak ong·a. Ia cha bijakni dam rakaniara, nambegipa cha bijakko uni ringtoani, su·uani baksana nambatgipa cha bijakrangko jakkalanina manderangni Assam-ni cha bijakko namnikbataniko mesoka ine u·i-ma·sigiparang aganangaha.
Assam cha karkana-rangni dingtang dingtang neng·nikanirang jekai karini sin·a ding·ani, rang·san mikka bitchirang ga·akchangani, cha bijak tarigiparang bang·baroroani kosako salni hajira dam raka baksana a·gilsak gimiko cha bijakrangko am·ani tik ong·gijani a·sel neng·nikanirangko man·ani gisepo ia chu·sokaniko man·aha.
Auction-o iandakgipa rakbegipa damrango palna man·aniara cha karkana-rango ka·donganiko bariatan baksana a·dok gimiko nambata cha bijakrangko tarina gita didianiko on·anggen ine karkanarang ka·dongsoenga.
Guwahati Tea Auction Centre-ara a·gilsak gimikni dal·batgipa CTC tea auction centre-rangoni ge·sa ong·a, jean Assam-ni tea economy-o mongsonggipa bakko ra·an baksana lakh-ni lakh cha bagano kam ka·giparang aro chonchongipa cha bagan dake ra·giparangna dakchakaniko on·a. A·gilsak gimiko sinjetanirang aro neng·nikanirangko chagrongna nanggenchimoba, auction-o cha bijakko kg prako gong 800 ka·e palna man·aniara, Assam-ni namgipa cha bijakrangko manderang da·oba nangnikaniko mesoka ine u·i-ma·sigiparang aganangkuaha.
Na·simang iakoba nina man·gen:
Na·simang iakoba poraina man·gen: Arunachal Pradesh, IPL system-ko bilakbatatna miksonge kamrangko ka•chakatenga
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/ne_media_hub
