Guwahati, Sep 4: Guwahati-ni Pandu jolo bi·samitingonin Dipika Paul an·tangni pagipako a·ste-oniko miteni bimangrangko tarianirangko nike dal·drobaaha. Da·o ua bilsi 38 ong·ahaon, pagipani changa-sapaniko dakangrikrikengasan ong·aija, indiba chakchikanichi, ka·ronggija kamrangko jako ra·e janggi tangani cholrangko dakna pilak me·chikrangnaba didianiko on·enga.
Pagipani siani ja·mano, Dipika uamangni nokdangni a·ste-oni bimang tariani dokkan, New Siva Shankar Silpalaya-ko chalaianiko jak-o ra·aha. A·bachengo ian chonbegipa workshop-san ong·aiachim indiba ua dal·roroe da·o nokdang ge·briko chalaienga aro adita sak manderangko kam-o rakkienga.
Sharadiya-ko maniani somoirang sokbaon, uni dokkan-o Durga, Ganesha, Kali, Biswakarma, Manasha, Sherawali, Lakshmi, Saraswati aro gipin miterangni bimangrangko gisik nange aro jakma mine tarie donanirangko nikna man·gen.
“Anga me·chik ong·ani gimin anga angni pagipani kamko ka·rikna man·jawa ine pilakan aganrongachim. Anga bilsisani gisepon dokkanko chipaigen ine uamang ka·dingsteke aganachim. Indiba anga da·o iako bilsi 12-15 batpilen ka·engaha. Ua somoio ong·na ampilja ine nikgipara da·o angni kam ong·aha,” ine Dipika an·tangni batangimin salrangni gimin gisik ra·atpile Hub News-na parakataha.
Ua rong-rangko nonge aro alamala taridapanirangko dake a·bachengo pagipana dakchakchengaha aro ka·sine ka·sine an·tangan tarina changbegipa ong·aha. Da·alo ua an·tang baksa kam ka·giparangko ka·dongen dilenga, aro feet 14 ong·pilgipa miteni bimangrangko tarienga – indiba ia bilside manderangni nangnikani bang·batani gimin agre dal·gijararako tarienga.
Kolkata aro Siliguri-ni karkana-rango bang·e tarigipa bosturang aro nitoatanirangni a·selo neng·nikanirangko man·ani giminba Dipika janapaha. Indake ong·genchimoba, ua pagipaoniko skie ra·rikgipa jakchi bimangrangko tarianiko ripingangkuna kim·kim ong·e dongenga.
Miteni bimangrangko tarianiara una janggi tangani cholsan ong·ja – indiba ian una uni nokgipana dangdike on·ani ong·a.
“Chinga isolrangko an·tangtangan tarienga. Janggi tanganio dukni aro kusinirang donga, indiba mamungba dakna amgijani dongja. An·chingna ramako mesokna isol an·ching baksa pangnan donga,” ine ua aganaha.
“Anga madam baksa kam ka·a bilsi gni ong·aha. Iano anga namen kam ka·toe nika. Ua chingna jaantian dormaharangko on·a aro chinga mamung neng·nikanirang dongja. Uni giminan anga bilsiantian ianona re·bapila kam ka·na ska,” ine uni ning·ao kam ka·gipa saksa Bapti Paul minggipa mitele aganaha.
Indake uni kamrangchi Dipika Paul pagipani bimungko rakkiasan ong·aija indiba me·asarangni bang·bate ka·gipa kam-o an·tangna bimungko tariaha aro uandake gisik nangani aro chakchikanichi chu·sokaniko man·a ine mesokaha.
Na·simang iakoba nina man·gen:
Na·simang iakoba poraina man·gen: Rong 4,000 batpile Yaba tablet-rangko Shillong-ni hotel-oniko rim·a
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/ne_media_hub
Download our app from playstore – Northeast Media Hub
