Guwahati, Jun 11: Bristibar salo, Guwahati songjinmao ong·atanggipa Pragati Path Yatra-o ma·mongni Union Jal Shakti Minister CR Paatil-ba re·bae bak ra·angaha aro ia program-o bak ra·angani ja·man kobor ra·timgipa manderang baksa agangrikengon, batanggimin bilsi 12-na Prime Minister Narendra Modi-chi dilenggipa sorkarini chu·sokatgipa kamrangni gimin aganangaha.
Batanggimin bilsi 12-na Prime Minister Narendra Modi-ni dilanichi sorkariko chalaianio, aiao inmanbegipa kamrangko chu·sokatanichi aro dingtang dingtang scheme-rangko ra·gate on·anichi, a·songni manderangna janggi tanganiko namdapate on·na man·aha ine Paatil aganaha.
Sanna bananirangko ra·anio ma·mong sorkari, scheme-rangko on·anichi kangal cholgri ong·gipa nokdangrangba, bang·en namgnirangko man·aha ineba ua aganaha.
Ia sorkari, chadamberangna, me·chikrangna, game ge·e cha·giparangna, budepa butchumarangna aro songsalo cholgri ong·e janggi tangpagipa manderangna miksonge, dingtang dingtang namgnirangko ra·gate on·aha ineba Union Minister aganaha.
Songre songgabatani cholrango tang·doaniko janapatengon, 2014 bilsi intal ia sorkari, a·songo airport-rangko bang·en kulidapaha aro Vande Bharat rel garirangko man·chape, gital songre songgabatani cholrangko a·bachengate on·engkua ine Paatil aganaha.
COVID-19 sajinmani somoio ia sorkari maikai sabisiko warachakna kamrangko ka·aha, uarangni giminba Union Jal Shakti Minister janapangaha.
Paatil-ni aganani gitade, Modi sorkariara, manderangni jingjengatanirango pangchake kamrangko chu·sokate on·aigipasan ong·ja indiba manderangni nangani kri kamrangko chu·sokate on·gipa sorkarisa ong·a.
Na·simang iakoba nina man·gen:
Na·simang iakoba poraina man·gen: CCS-Tura-ni chatrirang, Diglapara songona changa sapani aro be·enna namgipa cha·ani ringani bidingo u·i-ma·sianiko ra·baa
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/ne_media_hub
