Kohima, Jan 4: Europe a·songoni sakgni do·orangko nironggipa, Nagaland-ni Pangti songo hajalni hajal Amur falcon-rang ba rokomsa do·rengrangni apsan jinma sako bilaniko nike aiao inmanpilaha. Do·orang apsan bilchakatahaon, salgi dikdiksana an·dalgopangenba nika nianiko nitobatataha.
British a·songni u·i-ma·sigipa Nick Williams, adita somoirangna skang mangmangsan Pangti song a·gilsak gimiko rokomsa do·rengrangni dongram biaprangoni dal·batgipa ong·a ine aganangahachim. Iani a·selan, Nagaland a·dokko bang·bata salon “Falcon Capital of the World” ine aganako man·ronga. Pangna bilsian October ja bon·achipakoni December ja a·bachengaona bang·bea Amur Falcon-rang ba rokomsa do·rengrang Siberia aro Northern China-oni Africa-ona bilangengmiting somoio Nagaland aro sepangjolo donggipa biaprangona re·bae dongdipronga.
Ia rokomsa do·orangara 200 gram mangsan ong·genchimoba, iarangoni mittam do·orangara India-ni Salgro Salaram joloni Africa-ona dondikpilgija km 5,400 mangni gita bile songreanianiko man·chape km 22,000 mang songrena man·giparang onga.
A·bachengode, Pangti songara ia rokomsagipa do·rengrangna naljokgipa biap ong·jachim maina manderang uamangko sikar ka·ronge galrongachim. Jamano, Pangti Village Council, do·o matrangko ripinge rakkigipa dolrang baksa Baptist Church-ni gita sikar ka·aniko dontongataha. Indake, songni nokma maikoba niam ra·gatgenchimode, sakantian uko ja·rikronga ine jolo songdonggipa saksa u·iataha. Iako dontongatahani giminsa, 2013 bilsi dipet sikar ka·a dongjaengaha aro indaken, da·o ia biap rokomsa do·rengna naljokgipa ong·an baksana maikai manderang buringo donggipa matburingrangko naljoke rakkina man·achim una nama dakmesokani ong·a ine nikna man·aha.
Na·simang iakoba nina man·gen:
Na·simang iakoba poraina man·gen: APYC da•aloni dipet ‘Jati Bosauk Mati Bosauk Yatra’-ko a•bachengata
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/ne_media_hub
