Guwahati, Jan 4: Assam a·dokni Kamrup a·jao, bilsi 56 ong·gipa Tribal me·chik saksa, genda pul bagan dakaniko a·bachengate, da·o songni gipin me·chikrangnaba janggi tangani cholrangko on·na man·engaha.
Ia me·chikara, Rani jolo donggipa Bahupara songni Jayanti Rabha ong·a aro ua genda pul bagan dake, da·o jagittam-jabrimangni gisepon laksa batpile tangka paisarangko kamaina man·engaha.
Jayanti Rabha, an·tangni genda pul baganko 2019 bilsio, bighasa ong·gipa a·ao a·bachengata aro da·o uni pul bagan dakani chu·sokgipa ong·e, dingtang dingtang songni gipin me·chikrangnaba janggi tangani cholrangko on·skana man·engaha.
An·tangni genda pul bagan dakaniko Hub News-na talate on·angengon, ua mikkang bilsirangode pul baganko bigha 20-mangona bariatna miksongenga ine Jayanti parakataha.
Genda pulko ua an·tangni bighasa a·ao aro Bandhan jolo donggipa bang·a songrangon ge·aha aro mikkangchi Rani Bahupara Bandhan Vikas dolni dakchakanichi ua, bigha 20 a·arango pulrangko ge·dapna miksongenga ineba Jayanti aganaha.
August jao uamang, pang 10,000-mangni gita genda chararangko ge·aha indiba September jao mikkarang jimbee waani a·sel nosto ka·ako man·ahani gimin uamang October jao chararangko ge·taina nangaha ineba ua aganaha.
Mikkarangni a·sel neng·nikanirangko chagrongna nangengoba uamang bilsio changgni dake genda pulrangko ge·ronga aro jagittam-jabrini gisepon laksamangni gita laprangkode man·ronga ineba Jayanti aganaha.
Jayanti-ni parakatani gitade, Bahupara-o chagimin genda pulrangko Bengaluru aro Kolkata-ona watatrongenga.
Genda pul bagan baksana Jayanti Rabha, ba·rarangkoba dokatenga aro uni karkanao ua songni me·chikrangna kamrangko ka·na on·e, janggi tangani cholrangko on·na man·enga.
Re·anggipa bilsio Chief Minister’s Floriculture Mission-ni ning·o ua tangka paisani gita dakchakanirangko man·ahani gimin dingtangmancha sorkarikoba mittelpilangaha.
Na·simang iakoba nina man·gen:
Na·simang iakoba poraina man·gen: Hajalni hajal Amur Falcon ba rokomsa do·rengrang Nagaland-ona bilbatoka
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/ne_media_hub
