Resubelpara, Jan 4: Ia 2026 bilsini skanggipa CM-Connect program-ko Sonibar salo, Meghalaya a·dokni Chief Minister Conrad K Sangma, North Garo Hills a·jani Adokgre C&RD Block ning·o donggipa Memillam songo ong·atangaha aro jolo songdongenggipa manderangni nanganirangko aro neng·nikanirangko knatime ra·angaha.
Bilsini skanggipa salrangon songni manderang baksa agangrikna cholko man·ahani gimin an·tangni kusi ong·aniko parakangengon, ia CM-Connect program-ara, songni manderang baksa mikkangchongchong agangrike aro sing·sandie, dingtang dingtang neng·nikanirangko namatna aro nanganirangko chu·sokatna chol ong·a ine Chief Minister aganaha.
Songni manderangko gronge agangrikanichi sorkari, manderangni nangani kri kamrangko ra·gate on·na aro somoi gita chu·sokate on·na man·a ineba ua aganaha.
Ia tom·anio songni manderang, an·tangtangni dingtang dingtang neng·nikanirang aro nanganirang, jekai rama jal·lang, bijoli, ringani chi, skul nok aro gama ge·ani kamrangko Chief Minister-na agan-talate on·angtokaha aro ia kamrangni bidingo chanchirimanirangko dakenba, ia pilak neng·nikanirangko ua, dingtang dingtang department-rang baksa agangrike, namatna ja·ku de·anggen ine Sangma, ku·rachakaniko on·angaha.
Memillam songko nangdimate, World Bank-ni dakchakanichi Adokgre-oni Mangsang-ona rama tarina gita sorkari tangka paisarangko chamataha ine parakatengon, ia kamrangko bakan a·bachengatgnok ine Chief Minister, ku·rachakaniko on·angaha. Skul nokko rikna gita Chief Minister’s Special Development Scheme-ni ning·o tangka paisarangko chame on·atgen ineba Chief Minister, Memillam songni manderangna ku·rachakaniko on·angaha.
Na·simang iakoba nina man·gen:
Na·simang iakoba poraina man·gen: Assam-o me·chik saksa genda pul bagan dakanichi sakgipinrangnaba janggi tangani cholko on·enga
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/ne_media_hub
