Shillong, Nov 12: Meghalaya a•dokni Health aro Sports Minister Wailadmiki Shylla, an•tangni ku•rachakgimin gita, an•tangni minister ong•e man•gipa skanggipa dormahako, Jaintia Hills-ni orphanage ba ma•gri pagri bi•sarangni dongchakenggipa nokna on•gilataha.
An•tangni dormahako on•gilatna gita Shylla, dingtangmancha tom•aniko Jowai circuit house-o ong•atangaha aro ia tom•anio, dingtang dingtang sorkari official-rangba bak ra•angtokaha.
Ia tom•anio a•dokni Health Minister Wailadmiki Shylla, tom•anio bak ra•giparangna aganprakengon, Chief Minister Conrad Sangma-ni Cabinet-o uni cabinet minister ong•e ku•mikchetani ja•man ua, an•tangni minister ong•e man•chenggipa dormahako ma•gri pagri bi•sarangni nokrangna on•gilna gita ku•rachakahani gimin da•alo ua an•tangni ku•rachakako chu•sokataha ine parakataha.
Shylla-ni aganani gitade, japrako minister saksani man•gniara gong lak 2.04-mang ong•a aro ua Jaintia Hills-o donggipa ma•gri pagri bi•sarangni nok damsnina gong 30,000 ka•e on•gilatenga.
Ua an•tangba saksa ma•gri pagri ong•e janggi tangaha ine janapatengon, Isolni pattianichi ua MLA-na seokako man•e da•o Minister-ba ong•pana cholko man•ahani gimin mittelpilskaani chin gita an•tangni skanggipa dormahako ma•gri pagri bi•sarangni nokrangna on•gilna tik ka•aha ine Shylla aganaha.
Na·simang iakoba nina man·gen:
Na·simang iakoba poraina man·gen: NGH-o Kharkuta-ni MLA tom·tomani aro ku·mong nangrimanina re·jomaniko dilanga
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/ne_media_hub
