Aizawl, Nov 12: Budbar salo, Lawngtlai-ni obostako namedake nina ine DC office chamber-o Deputy Commissioner Donny Lalruatsanga-ni dilanichi chi-gita batrorogipa sabisini bidingo chanchirimaniko dakangaha.
Kakichhuah songo chi-gita saksaoni sakgipinona batrorogipa sabisiko man•ani koborrangko knae, ia tom•aniko rang•gitik ong•ataha aro Senior Chief Medical Officer Dr. Lalmuanawma Jongte-ba iano bak ra•angaha.
Ia chanchichipgimin sabisiko man•anichi manderangni sianganina DC Donny Lalruatsanga an•tangni duk ong•aniko parakatenba, ta•raken ja•ku de•na nangenga ine aganangaha.
Ia sabisini a•bachengani a•sel chong•motko u•ina aro batroroanganiko champengna kamrangko a•bachengatengaha ine ua janapaha. Sabisiko champengsoani aro namatani pilak cholrangko ja•rikna nanga inenba ia obostarangko ta•raken namatna man•gen ine ua ka•donge aganangaha.
Dr. Lalmuanawma Jongte-ni aganani gitade, November 4 tarikonin sabisirangko man•anirangko nikna man•aha aro November 11 tariko medical team-ni manderang am•sandianirangko dakna Kakichhuah songona re•angaha.
Chi-rangko chipe ra•enba laboratory-o porikka ra•e nina Zoram Medical College & Hospital-ona watataha. Unon, ia sabisi Myanmar a•songni Salachhuah songoni a•bachengengnaba gnang ine nikna man•aha.
“Porikka ra•e nigiparangoni, sak 27 manderang sabisiko man•aha aro uamangoni bang•bataan bilsi 5-oni bilsi 65-ni gisepo ong•gipa manderang ong•a ine nikna man•aha. Rapid Response Team-ko (RRT) a•bachengataha aro local health worker saksa nirokatanirangko dakenga,” ine Dr Lalmuanawma Jongte parakataha.
Ia sabisiko champengna mongsonggipa dakna nanggnirangko authority-rang parakataha jekai chi rongtalako ringani, rongtal-an•talaniko rakkiani, aro songdonggiparangni gisepo an•seng-baljokani bidingo mikrake dongani.
Kakichhuah aro Salachhuah-ko nangdimatgipa ramako name nitimanirangko dakanggen inenba, antisana kingking Kakichhuah-ko containment area ine parakataha. Saa-ding•anirang, election aro nangchongmotgipa kamrangna agrede ua biapona re•angna aro unoni re•bana man•jawa.
Da•ona kingking sakbonga manderang siaha ine koborrangko man•aha aro uamangoni sakbride Salachhuah-oni (Myanmar) aro saksade Kakichhuah songoni ong•a.
Na·simang iakoba nina man·gen:
Na·simang iakoba poraina man·gen: Health Minister an•tangni skanggipa dormahako ma•gri pagri bi•sarangni nokrangna on•gila
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/ne_media_hub
