Shillong, Naitung 18: Ki don haduh 1,658 ngut ki samla pule na ka Jylla Meghalaya kiba pyndep iaka eksamin National Eligibility-cum-Entrance Test (NEET-UG) 2026, katkum ka kaiphod ba la pynlait da ka National Testing Agency (NTA).

Ka Jylla Meghalaya ka don 4,183 ngut ki samla kiba la pynrung kyrteng ha kaba 3,425 ngut ki la ialeh ia ka eksamin NEET.

Ka jingdon jong ki samla bala pyndep iaka eksamin NEET 2026 ka duna 23 ngut ban ia nujor bad u snem bala dep ha kaba 1,681 ngut kiba pyndep iaka eksamin NEET.

U samla Bakhambok Anthony Thabah u la paw bha napdeng baroh kiba iakhun iaka eksamin ha kaba ula ioh bat iaka kyrdan ba ha khlieh duh jong ka Jylla Meghalaya bad u la ïoh ïa ka All India Rank (AIR) kaba 14,455 bad ka jingïoh ïa ka thong kaba 99.26791 percent.

U samla ba iakhun naka thup Scheduled Tribe (ST) u dei u samla ba wan hakhmat duh naka Jylla Meghalaya haka eksamin NEET.

Ha ka ri baroh kawei, ki don 11,21,185 ngut kiba la pyndep ia ka eksamin NEET ban ioh pule doktor na ki 19,99,895 ngut kiba la ialeh iaka eksamin.

Ki don 22,79,743 ngut kiba la thep kyrteng na ka bynta ka NEET-UG 2026.

Ka eksamin NEET-UG ka dei ka eksamin ba heh tam hapoh ka ri ban ioh pule Doctor haka thup Undergraduate Medical, Dental and Allied Health Science ka ri India.

Pule ruh : Hukum ka High Court ban aiti shawei ia ka jingtohkit, kurup CCTV ba iap ka Khynnah ha Nongpoh

Peit ruh :

Wad ia ki khubor ba dang shu jia na man ki jaka kyndong ka thain Shatei Lam Mihngi ha hubnetwork.in, ka tyllong khubor online jong phi ban lap ia man ki khubor ba dang jia, ki jingring durkhih.

Bud ruh ia ki ha ka

Twitter – twitter.com/nemediahub

Youtube channel – www.youtube.com/@NortheastMediaHub2020

Instagram – www.instagram.com/ne_media_hub

Download ia ka app jong ngi na playstore – Northeast Media Hub