Shillong, Feb 23: Bank-o nangchakegipa neng•nikanirangko chagrongna nangrongani gimin Homestay scheme-ko PMEGP-o bak ong•aniko sorkari bon•ataha ine Sombar salo, Meghalaya a•dokni Chief Minister Conrad K Sangma parakatenba, iano neng•nikanirangko chagrongna nangenggipa manderangnade sorkari dakchakanirangko on•angkuaigen ine ku•rachakaniko on•angaha.
Chief Minister-ni parakatani gitade, ia scheme-ni ning•o dam 877 homestay-rangko rikna sorkari sanction ka•aha aro sak 843 beneficiary ba namgniko man•enggipa manderangnade tangka paisarangko on•manaha.
Homestay-rangko rikna tik ka•na skang, songni dilgiparangko man•chape dingtang dingtang gadangrango agangrikchengaha ineba Chief Minister aganaha.
Loan-rangko gamchipgijagiparangni gimin janapatengon, da•o dipet iani bidingo sorkari niatkujaenga indiba songo noko bading chiwalgiparangna dakchakanirangko on•na gitasa sorkari miksongenga ine Sangma aganaha.
Iana skang, a•dokni Tourism Minister Timothy D Shira, tourist spot-rangona manderangni sokani, dongani aro iandakgipa biaprango tikit ka•ani, tangka paisa gamani aro uandakgipa kamrangko survey ka•ani bidingo Assembly-na talatanirangko on•angaha.
Shira-ni aganani gitade, survey ka•anio, je biaprangon chidare (waterfall), rong•kol (cave), park, niwattogipa biaprang (canyon), wari (lake), a•bri doani (trekking) aro rongtalgipa bolgrimrang (sacred grove) donga, iandakgipa biaprangona manderang re•battoka ine ma•sina man•aha aro iandakgipa biaprangni sambarango homestay-rangko rikna sorkari, biaprangko tik ka•aha.
Homestay-rangko rikna seoka man•gipa mande sakprak gong lak 10-ko man•enga ine janapatengon, ia lak 10-oni lak 7-kode sorkari aro bangkikode kam ka•gipa mande an•tangan gamna nanga ine Tourism Minister parakataha.
Na·simang iakoba nina man·gen:
Na·simang iakoba poraina man·gen: Pope-ni Ambassador, Tura-ona skanggipa changna re·baenba, March-ni 1 tariko Pontifical Mass-ko dilanggen
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/ne_media_hub
