29.2 C
Tura
spot_img

ILP-ni bidingo MDA sorkariko matnanganina NPP, Mukul-ni kamo suk ong•gijaniko paraka

Must read

Shillong, Dec 11: Inner Line Permit (ILP)-ni bidingo MDA sorkariko changni chang matnangna jotton ka•engani gimin National People’s Party (NPP), opposition dolni dilgipa Mukul Sangma-ni kamo suk ong•gijaniko parakataha.

“Ia sorkari manderangni nangnikanirangna baten kamko ka•enga aro a•doko songdongenggipa manderangni namgnina on•kange kamrangko ka•na jotton ka•enga ine changni chang talate on•ahaoba Dr Mukul Sangma, ra•chaknan sikteljaengakon,” ine NPP-ni national youth president Nicky Nongkhlaw, Sukrobar salo parakataha.

Mukul Sangma, an•tangni gamchatbegipa somoirangko, an•tangni constituency-ni manderangna dangdike on•na jakkalani pal sorkarikosa matnange rona chol ra•skaenga ineba NPP-ni dilgipa parakataha.

“Maini a•sel Mukul Sangma-san iani bidingo ma•sisokna man•jaenga? Haida uo maming kamrang dongjani a•sel uni gisikko soitan jakkalskaengakon,” ine NPP-ni youth president, Shillong songjinmani NPP office-o press conference-ko ong•atengmiting somoio jinmana parakataha.

Meghalaya a•dokni Governor aro chief minister sakgnian, an•tangtangni gadango MRSSA aro ILP-ko ra•gatna gita ma•mong sorkari baksa agangrikna jotton ka•enga ineba ua parakataha.

Gital dake taridapgipa Meghalaya Residents Safety & Security Act (MRSSA)-ni bidingo talataniko on•angengon, ia gital dake taridapgimin niamrang bilakbatahani gimin gipin biaprangoni Meghalaya a•dokona niam gri napsrukanirangko champengna man•gnok ine NPP-ni youth president parakataha.

Congress sorkarini somoio ILP-ko ra•gatna gisiko nangjahani a•sel 2013 bilsio bang•bea chadamberang police-rangni jako rim•ako man•na nangaha ineba Nongkhlaw parakataha.

NPP youth president-ni parakatani gitade, 2012 bilsio Mukul Sangma-ni sorkari NGO-rang, jatko dilenggiparang, minister-rang aro district council-rang baksa ILP-ni bidingo chanchirimna gita high level committee (HLC)-ko songahachim indiba ia committee-ni recommendation-rangkon Congress sorkari ua somoio jegalataiahachim.

“MDA sorkariko rikani ja•manosa Meghalaya a•doko manderangni dingtang dingtang dabianirangko Chief Minister-ni dakdilanichi a•dok sorkari, jako ra•na a•bachengaha aro iako ma•sina gita Meghalaya a•doko songdongenggipa manderang ja•manchakja. Ia MDA sorkarini somoiosa MRSSA aro ILP gita dakgipa kamrangko jako ra•na a•bachengaha,” ine Nongkhlaw, MDA sorkari baksa bakrimaniko on•engani gimin Meghalaya a•dokni manderangko mittelpilangaha.

spot_img

More articles

spot_img
-->

Latest article