24.3 C
Tura
spot_img

India-ni ning·o China-ni gital songko rike on·aniko Arunachal-ni manderang jegala

Must read

Itanagar, Jan 21: India-ni salgro-salaram Arunachal Pradesh-ni Upper Subansiri district-ni ning·o ga·akgipa aro Tsari Chu minggipa chibima rikam jol, jean India aro China a·song damgnini gisepo dal·bee kajia-golmal gnanggipa a·ja ong·a, uno adita salrangna skang NDTV ni satellite-ni noksarangko ra·bae mesokatgipao songsul a·song China-ni niam gri napdrabaenba India a·songni ning·o gimik-gimang te 101 nokrangko tarie on·gimin gital songko rike on·ahani koborrangko man·ani ja·man Upper Subansiri district-o songdonggipa manderang iana suk ong·gijaniko mesoke da·al Bristibar salo jegale jingjengataha.

Dingtang dingtang chadambe dolrang aro gipin organization-rang jekai, ATYO, All Tagin Youth Organization, AGCVF, All Giba Circle Vigilance Forum aro New Market Welfare Association gimik ku·cholsan nangrime China-ni kragijagipa kamrangko jegaleming jingjengate re·jomaniko ong·ataha aro ua somaion China-ni President Pa Xi Jinping-ni bimangko tarieming mande jinmao so·aha aro China Go back ba jekon pe·skaode China pil·angpilbo ine namnikgija kattarangchi lekka pal·takrango seeming Upper Subansiri district-ni Daporijo jillao chrik-a·boke jegalangtokaha.

Indake ong·engon, de facto sima-ario km 4.5 mang ong·pile India a·songni ning·ao niam gri iandake songsul a·song China-ni gital songko rike on·aniara India-na namen jajrengsona nanggnigipa ong·enga aro iana chanchininge pilak kamrangko ka·chakatna nanggipaba ong·ataha. Beben, ua a·ja India a·songni ning·o ong·oba, sorkarini official map-o mesokani gitade batanggimin 1959 bilsionin China-sa ua biapko bil gnangbate rim·kepe rakkibaengachim ine nikna man·a.

spot_img

More articles

spot_img
-->

Latest article