Imphal, Sep 12: Indian Army aro Manipur Police, CRPF aro BSF dolrang nangrime konta 48 mangna am•sandianiko dakani ja•man Manipur a•dokni Churachandpur a•jaoniko dakgrik dinggrikani somoio jakkalgipa bosturang jekai, silchidare-rang, guli barutrang aro gipin dakgrikanio jakkalgipa bosturangko man•aha.
September 11 tariko, Churachandpur a•jani Maulsang jolo bobil dolrangni dinggrikanirangko kobor man•a bakan, Indian Army aro Manipur Police aro CRPF dolrang baksa nangrime am•sandianiko a•bachengataha aro magazine baksa 7.62 mm-ni AK Series Assault Rifle, an•tang tarigipa medium size-ni bomb aro dinggrikanirango jakkalgipa bosturangko rim•na man•aha.
September 12 tariko, uamang Kangpokpi a•jani ning•o ong•gipa Shejang-ni salgipeng saliram jolni diltugipa burungniko am•sandiaha aro ge•sa taridapgimin M-16 rifle, ge•sa a•songtango tarigipa bomb, guli barutrang aro dakgrikanio jakkalgipa gipin bosturangko man•aha.
Ia am•sandianio man•gimin silchidarerangko, nambate am•sandianiko dakangkuna aro nosto ka•e galna police-rangni jako pakwatataha.
Na·simang ia video-koba nina man·gen:
Na·simang iakoba poraina man·gen: SSA skigiparangni dabianiko Sept 30-ni gisepo chu•sokatjaode jingjengatgen
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in,-oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.co
Instagram- https://www.instagram.com/ne_media_hub
For news & updates, Download Hub News App from Google playstore
