Tura, August 14: Bristibar salo, Inter Mahari Football Tournament-ko Tura-ni Chandmary-o donggipa Government Boys Higher Secondary School-ni kal·chakramo ong·atanio me·chikrang aro me·asarangni kal·susaaniko nikangna man·aha. Me·chikrangni kal·susaanio, Chambugong Mahari aro A·gitok Mahari bilsugrikenba 0-0 score-rangko man·aha, indake penalty-o Chambugong Mahari goal-3-ko man·e chu·sokgipa ong·engon, A·gitok Mahari-de goal-1-kosan chipna man·aiaha.
Me·asarangni kal·susaanio, Ampang Mahari-ni Danby A Sangma 28-gipa aro 48-gipa minute-o goal 2-ko chipe on·anichi Daring Mahari-ko amatskaaha. Daring Mahari-oni Tengkam D Sangma, 38-gipa minute-o goal 1-ko doltangna chipe on·angaha. Kal·susaani a·bachengna skang Ampang Mahari-ni palo kal·susagiparang pekatgipa bosturangni namgijani bidingo mikrakataniko on·a miksonganio “Say no to Drugs” ine segimin jersey-rangko ganan baksana uamangni kal·rimska Chesrang A Sangma ba Changchang sagiko gisik ra·ani bak gita dikdiksa jrip donganikoba dakangaha.
Re·baenggipa sombar sal chong·motan August jani 18 tarikoba ia kal·susaaniko ong·atangkugen jeon Women’s Division-o Mri Mahari baksa Dangsu Mahari aro Men’s Division-o Raksam Mahari baksa A·we Mahari-ni su·saaniko nikangna gita man·gen.
Na·simang iakoba nina man·gen:
Na·simang iakoba poraina man·gen: Sianggimin matgrikrangko gisik ra·anichi St. Xaviers’ Tura, Independence Day-ko manianga
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
