Shillong, Jun 11: National People’s Party (NPP)-ni dilgipa aro a·dokni saksa gitcham Cabinet Minister James PK Sangma-ko Bristibar salo, Meghalaya a·dokni Rajya Sabha MP-na seokaha ine parakataha.
Bristibar salo, nomination-rangko ra·pilna dongimin somoi 3:00 bajion matchotangani ja·man, James Sangma-ko Rajya Sabha-ni MP-na seokaniko joljol parakataha. Meghalaya a·dokni damsamangmang Rajya Sabha seat-na susaanio Sangma-na agre darangba dongjahani gimin aro una Meghalaya Democratic Alliance (MDA)-II-o bakrimenggipa member-rangba chu·gimikan bakrimaniko on·ahani gimin, Bristibar attamni 3:00 baji ong·ahaon, ua an·tangni nangchongmotgipa kamrangko matchotatna Meghalaya Legislative Assembly Secretariat-o Returning Officer-ko grongeaha aro election-o seoka man·ani certificate-koba ra·chakangaha.
Rajya Sabha-ni member-na seoka man·ani certificate-ko ra·chakangani ja·man kobor ra·timgipa manderang baksa agangrikengon, ua a·dokni manderangna aro sorkariko dilenggiparangna mittelpilaniko parakataha.
Rajya Sabha-o Meghalaya a·dokni member ong·e bak ong·paaniara una dal·begipa daito ong·enga aro ia kamko ua kakket aro bebeo chu·sokatna miksongenga ineba Sangma aganaha.
Salgro salaram a·dokrango MP-rang komibatani gimin pangnan ‘bilgribatgiparang’ ine gipinrangni gisiko chanchianirang dongronga ine janapatengon, member-rang komibatgenchimoba, uni miksonganiko jripatna man·jawa aro ua miksongani baksana chakchikani gnang, ku·rangko on·na jotton ka·gen ine gital MP ku·rachakaniko on·angaha.
Meghalaya a·dokosan ong·aigija salgro salaram jol gimikon, manderangni nangchongmotgipa kamrangna ku·rang on·na nanganirang bang·en dongkuengani gimin ua somoirangko on·dapchina gita didironggen ineba Sangma aganaha.
Na·simang iakoba nina man·gen:
Na·simang iakoba poraina man·gen: Do·geprangko jilanichi songadamrango tangka paisa man·aniko pangkamatna dakchakgen: Tripura Guv
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/ne_media_hub
