Tura, Nov 17: West Garo Hills a•jani Jengjal-o gital rikgipa Jengjal Police Station-ko Sombar salo, Meghalaya a•dokni Chief Minister Conrad K Sangma nokdonggae on•angaha aro ia police station-ko nokdonggae on•anganio, a•dokni Director General of Police (DGP) Idashisha Nongrang, West Garo Hills a•jani Deputy Commissioner Vibhor Aggarwal, Superintendent of Police (SP) Abraham T Sangma, MIDC-ni Chairman James K Sangma, dingtang dingtang police officer aro sorkari officer-rangba bak ra•angtokaha.
Jengjal Police Station-ni gital nokko nokdonggae on•anganio a•dokni Chief Minister, jinmana aganprakangengon, Jengjal Police Station-ara a•doko nambatsranggipa police station-rangoni damsa ong•a aro ia police station-ara namen nangchongmotgipa biapo ong•e manderangnasan ong•aigija police-rangnaba kamrangko ka•anio namen jakkaltogipa ong•a ine aganaha.
Ia police station-ko rikna gita a•arangko on•gilahani gimin ua songni Nokma aro jolo songdongenggipa manderangkoba mittelpilangaha.
Skangode police station-rangko taridapanio a•dok sorkarini dakchakaniko nange namen neng•begipa kam ong•achim indiba da•ode Police Infrastructure Renovation Fund dongahani gimin SP-rang an•tangtangan, sorkarina senggija police station-rangko taridapna man•aiaha ineba Chief Minister aganaha.
Police department-o bangbang ong•e dongenggipa kamrangko ka•sinsin gapatengaha ine janapatengon, bangbang ong•e dongenggipa dam 3000 kamrangko gapatna gita kamrangko a•bachengaha aro da•o personal interview-ko ra•engaha ine Chief Minister parakataha.
Jengjal-ko Garo Hills-na namen nangchongmotgipa biap ine janapangengon, Jengjal-ni Baljek Airport-ko ta•raken chalaina gita sorkari, ia airport-ko Airport Authority of India (AAI)-na ia bilsini a•bachengachibara pakwate on•manaha aro crore 50-ni estimate-ko AAI, a•dok sorkarina on•aha ine Chief Minister aganenba, Jengjal Airport-ko ta•raken taridapna gita ia jani gisepon a•dok sorkari gong crore 50 tangkarangko AAI-na pakwate on•gnok ine parakataha.
Baljek Airport-ko taridapa matchotahaon, ge 19 seat donggipa Air Alliance-ni sildorengrangko Tura-Shillong dake watchenggnok ineba Chief Minister parakataha.
Niam retirangko rakkianiosan ong•aigija a•doko tom•tomani aro namroro silroroaniko ra•baanio rakbee kamrangko ka•engani gimin ua dingtangmancha Police department-koba mittelpilangaha.
Ia tom•anio, a•dokni DGP Idashisha Nongrang-ba aganprakengon, an•tangni Jengjal jolo kam ka•anganiko gisik ra•atpilenba, Jengjal police station-na ia gital nokko rikaniara Police Department-na mongsonggipa ja•ku de•ani gita ong•aha ine aganaha.
Ia tom•anio, MIDC-ni Chairman James K Sangma-ba jinmana aganprakengon, Dadenggre constituency-na aro Jengjal jolrangni namroro silroroanina pilak nanga dakchakanirangko on•engani gimin a•dokni Chief Minister Conrad K Sangma-ko mittelpilangaha.
Na·simang iakoba nina man·gen:
Na·simang iakoba poraina man·gen: Child Safety Week-ko maniani bak gita awareness program-ko ong•ata
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/ne_media_hub
