Shillong, March 28: Meghalaya-ni Jaintia Hills-ni Wahiajer minggipa biapo North-Eastern Hill University-ni ning·ao bak ong·enggipa college, Pt. Deen Dayal Upadhyay Community and Skill Development Center (DDUCC) horticulture-ni bidingo skie on·ani programme-ko ong·atangaha, aro uno sak 300 game cha·giparang, chatro-chatrirang aro dingtang dingtang bakrimenggipa dolrang baksa bak ra·angaha.
Ia programme-ni bimungko “Skill Enhancement for Horticultural Development and Sustainability for Farmers of NEH Region” ine donenba, uko NEHU Tura campus baksa bakrime ong·atangaha aro ICAR-Indian Institute of Horticultural Research dakchake on·angaha.
Ia programme-ko ong·atani miksonganiara chasing gitalo horticulture-ni dakbewalrangko game cha·giparangna skie on·na, nutrient bang·gipa ge·a-gamanirangko giparna, aro pangkamgipa janggi tangani cholrangko dakchina – chadamberang aro me·chikrangko bang·bate didina ine ong·a.
Technical session-rangko NEHU-ni Prof. C. P. Suresh aro Agriculture Development Officer Phoida Rymbai dakdilangaha. Bak ra·giparang gitalgipa ge·a-gamani dakbewalrangni gimin skie ra·angaha, aro bang·bate biterangko man·na aro an·seng-baljokanina namgipa ge·a-gamanirangko dakani bidingo niangaha.
Bon·kamgipa tom·anio Deputy Chief Minister Sniawbhalang Dhar bak ra·angaha aro ua songni-nokni manderangni changa-sapanirangko namdapatana university-ni kam ka·anirangna mitele aganangaha. Uandake, ua game cha·giparangko an·tangtangni skie ra·giminrangko jakkalchina aro jakgitele bading-chiwalanirangko dakchina aro a·dokni silroro-namroroanina on·gilchina didiangaha.
IIHR-ni Dr. T. Sakthivel, Salgro Salaram-o horticulture-na bang·a cholrang donga ine talatangaha, ge·a-gamani rokomrangna, mongsongbate baring belatirang aro avocadorangko ge·a-gamanirangna dakchake on·angkugen ine aganangaha. NEHU-ni Prof S. K. Barik sorkarini scheme-rangko jakkalani gamchatani gimin aro game cha·giparangni man·gnirangko namdapatna nambatatgimin ranta ka·anirangko ja·rikna nangani gimin talate on·angaha.
Uandake bak ra·giparangna, jeonin mongsongde me·chik game cha·giparang ong·achim uamangna ge·a-gamani dingtang dingtang bosturang aro chararangko sualatenba, a·doko pangkamgipa ge·a-gamaniko dakna ja·ku de·anichi ia programme-ko matchotataha.
Ian Salgro Salaram gimiko IIHR-ni technology-rangko gipatna aro bilakgipa, songni-nokni manderangni dilanichi kam ka·gipa, game cha·ani bewalrangko tarina ine krenge kam ka·anirang ong·a ine organiser-rang aganangaha.
Na·simang iakoba nina man·gen:
Na·simang iakoba poraina man·gen: Arunachal-ni Anjaw minggipa biapo gari bolsa a·kuangona ga·akone sakbri manderang sia
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/ne_media_hub
