29.2 C
Tura
spot_img

Jingjengatenggipa game ge•e cha•giparangko Dec 30 tariko agangrikna sorkari okama

Must read

New Delhi, Dec 28: India a•songo game ge•e cha•enggipa manderangni sorkari baksa meligrikgijanirangko namatpilna gita game ge•e cha•enggipa manderang ku•rachakahani gimin ma•mong sorkari, jingjengatenggipa game ge•e cha•giparangko December-ni 30 tariko Delhi-o agangrikna gita okamataha.

Re•anggipa September jao Parliament-o ra•chakgipa minggittam niamrangko ra•galpilchina dabie a•songo game ge•e cha•enggiparang, a•songni skotong Delhi songjinmani rikamo jingjengatanirangko dakengachim ine nikna man•a.

Game ge•e cha•enggiparangni ia biapo jingjengatani da•al Sombar salo sal 33 gapengahachim aro dolgnini gisepo meligrikgijanirangko sorkari baksa agangrikna game ge•e cha•enggiparangni dilgiparang, December-ni 29 tarikko tik ka•atahachim. Indake ong•genchimoba, Sombar salni bako Agriculture Ministry-ni gita farmers union-rangna seate December-ni 30 tariko Delhi-o agangrikna somoiko tik ka•e donatskaaha.

Indake ong•engon, a•songo game ge•e cha•enggiparangko bilakbatatna gita ma•mong sorkari, on•kange chu•gimik bilchi kamko ka•gen ine Sombar salo, ‘Kisan Rail’-ko a•bachengate on•angani ja•man a•songni Prime Minister Narendra Modi-ba ku•rachakaniko on•ataha.

spot_img

More articles

spot_img
-->

Latest article