Shillong, Oct 7: Mongolbar salo, Jaintia National Council (JNC), Save Jaintia Mission-ni bak gita Shillong-ni MP Dr. Ricky AJ Syngkon-na mongsonggipa mingni neng·nikanirang chong·motan pangkamgipa koela bikotani aro ma·gitcham pagitchamrangni a·arangko man·pilanio dakchakaniko bi·e segimin lekkako on·ataha.
JNC dol, naljokani niamrangko ja·rike samtangtango donggipa ong·telaigiparangko naljoke rakkiani gisepon chonchongipa koela bikotgiparangko dal·dalgipa koela bikotgipa karkanarang baksa kam ka·na on·gipa gital niamrangko uamang nangnike dabiataha. Iani gisepon, 1951 bilsio Assam-na pakwatgimin Blocks I aro II-o donggipa ma·gitcham pagitchamrangni a·arangko uamang on·pilchinaba dabianiko dakangaha.
Jaintia Hills-o donggipa bang·bata nokdangrangan koela bikote cha·giparang ong·ani gimin, koela bikotaniko champengataniara uamangna tangka paisani gita neng·nikanirangko ra·baaha ine uamang u·iataha. 2019 bilsio, Supreme Court-ni gita Meghalaya a·doko songdonggipa tribal manderangna uamangni a·a aro gamrangni kosako bilko on·manahani gimin, samtangtango donggipa ong·telaigiparangna nangchakeani grigipa cholko jakkale koela bikotaniko a·bachengatpiltaina nanga ine uamang janapataha.
Blocks I aro II-o donggipa biaprangara skangode Jaintia manderang mongsongbate Syeim Sutnga nokdangrangni ong·achim ine aganengon, ia biaprangara United Khasi aro Jaintia Hills a·jani bak ong·achim ine sakki-na 1896 bilsini British Map-koba JNC mesokataha.
Bon·kame, JNC dol Block I aro II-ko Meghalaya-na on·pilchina ba kra·a gita tangkako gaman baksana Assam aro ma·mong sorkariko namdapatani project-rangko on·china dabiangskaaha.
Na·simang iakoba nina man·gen:
Na·simang iakoba poraina man·gen: Tura-o Vijaya Diwas 2025-ko ong•ata
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/ne_media_hub
