Shillong, June 3: Meghalaya-o kal·susaanio mingsa dal·gipa chu·sokaniko ra·baanio professional golfer saksa, Tura-ni Johnwell Gabil Momin mingsinggipa National Golf Academy of India-oni (NGAI) Category “C” Coaching Certificate-ko man·aha. Ia chu·sokaniara Mominni certified golf coach ong·anio namen dakchakani ong·a.
Ia certification courseko Poona Gold Club-o 2025 bilsini May jani 12 oni 17 tarikona ong·atangaha. Momin practical porikkao 22 markrang aro theoryo 54 markrangko man·e, 100-oni chu·gimik 76 markrangko man·aha.
Momin an·tangni nokni manderang aro skigiparangko una dakchakanina mitelaha. Ua an·tangni chu·sokaniko uni gisik ra·begipa sianggipa Chesrang A Sangma sagi-na mingaha, jekon manderang ka·sabee Changchang ineba okamachim.
Uandake, Meghalayani Skotong Minister Conrad K Sangmako una 2018-ko tangka-paisachi dakchakanina aro athlete scholarshiprangko man·na dakchakanina Momin uko mitelaha. Ua James Sangma (MIDCni chairman aro minister gitcham). A. L. Hek (Minister), MP Saleng A Sangma, aro una pagipa gita chacha ong·gipa minister gitcham Billykid A Sangma-koba mitelaha. Una agreba ua Dr. Debajit Rudra Sangma aro Tura Golfers Associationkoba uamangni una dakchakanina mitelaha.
Shillong Golf COurseni Director In-Charge (Golf), Hector Marwein-ni ra·baanichi coaching campko NGAI-ni gamna nanggija indin ong·atani una namen dakchakbeaha aro iani a·selan ua an·tangni samtangtango donggipa manderang, college aro skulo napgipa chatro-chatrirangna indin golf-ko skie on·anirangko dakna didiataniko man·aha ineba aganaha.
Category “D”-oni “C”-ona gadoani bidingo, golfni dingtang dingtang scientific bakrangni gimin ma·sie ra·ani gamchatani giminba Momin talate on·angaha.
Momin mikkangchi an·tangni golf skulko a·bachengatna aro skul, collegerango golfko skie ra·ani cholko ra·bana chanchienga. Indake on·genchimoba golfko namedake skie ra·anina bosturang aro technologyni dam rakbea aro tangka paisana neng·nikani donga ine ua sorkarini dakchakaniko am·na chanchienga.
Na·simang ia video-koba nina man·gen:
Na·simang iakoba poraina man·gen: Meghalaya Helicopter service-rangko a·bachengpiltaia
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Instagram- www.instagram.com/ne_media_hub
