Gangtok, June 3: Re·anggipa June jani 1 tariko a·a ruanichi ramarang champengatako man·a jaman, a·briarigipa biaprango naljokatani bak gita, Indian Air Force-ni bolgni MI-17 V5 helicopter-rang saknaa man·gipa army personnel, uamangni nokdangni manderang aro North Sikkim-ni Mangan a·jani Chhaten aro Lachen-o jachange dongenggipa tourist-rangko man·chape sak 34 manderangko naljokataha.
Naljokata man·gipa manderangko, Pakyong Greenfield Airport-ona rimangaha aro saknaa man·gipa sipai dolrangna sana banirangko on·enga. Ia helicopter-rang sak 30 NDRF (National Disaster Response Force) team member-rang baksana naljokatani kamrango dakchakaniko on·a nanggitikan salo jakkalnagipa ostro-rang jekai satellite phone-rang-koba ra·baaha.
Sikkim State Disaster Management Authority (SSDMA)-ni Director, Pravakar Rai, Lachen-o sak 112 songregiparang jachange dongkuenga ine parakatengon, jachange donggipa manderangko uamang rama gita ja·achi re·eba rimongkatbana gita chanchisamsoahachim, indiba Lachen-Chhaten ramarangko a·a rudapanichi namen nosto ka·ako man·aha aro rasong gribee sak 3 Army sipairangba janggitangko gimaataha ineba ua talate on·angaha.
SSDMA, Mangan a·jani official-rang aro jolni manderang baksa nosto ong·gimin rama jal·angrangko tarina jotton ka·an baksana Lachen-oni Chhaten-ona re·gipa gipin ramarangkoba sandienga, jeon uamang sako bilgipa bang·bata sildorengrangko naljokani kamrangna jakkalna man·a gita sildoreng bilonchakram biaprangko jakkalnaba donga.
Re·baenggipa sal somoirango jachange dongenggipa manderangko naljokatani kamrangoba mikka balwarangni a·sel bang·e neng·nikanirangko man·aba donga.
Na·simang ia video-koba nina man·gen:
Na·simang iakoba poraina man·gen: Johnwell Gabil Momin Meghalayani skanggipa certified professional golf coach ong·chenga
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Instagram- www.instagram.com/ne_media_hub
