Shillong, Apr 27: KfW Development Bank-oni dilgiparang Meghalaya-ona re·baenba a·doko donggipa chiring-chibisikrang aro a·arangko naljoke rakkina aro pangkamgipa bewalo jakkalna ka·enggipa project-rangko nirokanirangko dakenba, game cha·giparangni man·gnirangko bariatna aro rusie galanirangko komiatna mongsonggipa cholrangko oprake on·angaha.
Uamangni da·o re·baani miksonganiara SLM project-na loan-ko ra·na ine a·dokni ja·ku de·engon, Meghalaya-ni songrango dingtang dingtang janggi tangani cholrangko ra·e kam ka·ani namgnirangko aro baditana kingking kamrang naminga uko u·ina ine nina re·baani ong·a.
KfW mission team Umiew catchment jolo donggipa songrang jekai Mawrashe, Nongthymmai Pdeng, Demthring, Kyndong, Nongkyntir, aro Pomkaniew-rangona re·angenba me·gimurangko ge·ani, chi chimongchake donenggipa wari-rang, spring chamber-rang, nursery-rang, chi watani cholrang, aro ge·a-gamanirangko nieaha.
A·gipigipa official-rang jekai Carolin Gassner, Director (South Asia), aro Frank Bohnet, Head of Operations (Asia) ia mission team-ko dilbaaha aro uamang baksa a·dokni digiparang aro Meghalaya Basin Management Agency (MBMA) aro MegARISE-ni ning·o kam ka·giparangba songrangona re·e nianio bak ra·angaha.
Uandake official-rang ia project-rangko ra·e kam ka·aniko name nike mitele aganangaha aro iano songni-nokni manderangni dilanirang aro me·chikrangni gisik nange bak ra·anirangko janapangaha. East Khasi Hills-ni Mawlyndiar minggipa songo uamang Sustainable Land Management (SLM) project-ni ning·ao Collective Marketing Centre-ko (CMC) oprake on·angaha. Ia biapko tarianichi game cha·giparangna uamangni man·giminrangko chimongchakna, rusie galaniko komiatna aro antidamrangona sokanio dakchakna man·gen ine ka·dongsoenga.
Una agreba anaros aro e·chingniko dingtang dingtang cha·anirangko tarie a·palchina watna tarichakgipa Umdihar PRIME Hub-o ka·enggipa kamrangkoba re·ange nieaha.
Umwang Pyllun IVCS-oba chimongchakram damsako oprake on·aniko dakangaha jeon game cha·giparang tejpat, e·ching, aro anaros-rangko tarienga aro mikkangchi holdi aro gulmoris-koba ge·e-game tarina chanchienga.
Na·simang iakoba nina man·gen:
Na·simang iakoba poraina man·gen: Indian Army, Likabali-o kamoni neng·takgimin sipairangna dal·begipa tom·bimonganiko ong·atanga
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/ne_media_hub
