Shillong, July 1: Meghalaya and Greater Shillong Progressive Hawkers and Street Vendors Association-ni (MGSPHSVA) memberrang secretariat-ni mikkangona re·ange Khyndailad-o palbadinggiparangko a·rikgalaniara niam gri ine jegalaha aro ia ong·gija kamrangko namatna provisional town vending committee-ni (PVTC) tom·aniko bakbakan dakchina dabiaha.
Thma U Rangli Juki-ni bakrimaniko man·e, palbadinggiparang ia a·rikgalaniko vending certificaterang donggiparangko a·rike mikkang niteaha aro niam-gri dakaha ine parakataha.
PTVC-ni chairperson, jean Shillong Municipal Board-ni (SMB) CEO-ba ong·a, niamko ja·rikgija ia a·rikgalaniko dakna hukumko on·aha ine Angela Rangad palbadinggiparangni palo aganaha.
Palbadinggiparang kachari-ona re·ange Street Vendors Act, 2014-ko (palbadinggiparangni janggi tangani cholko chelchakani aro dake cha·na cholko on·ani) ra·gatna dabiahachim, aro ia niamko ra·gatna PVTC baksa kam ka·engachim, indiba SMB-ni kamrang niam-ni bikpil ong·aha aro uandake mikkangchi bang·a neng·nikanirangko ra·bagen ine Rangad talate on·aha.
Uandake, palbadinggiparang uamangni neng·nikanirangko namatna PVTC-ni tom·aniko bakbakan dakchina dabiaha aro niamko name ra·gatjagenchimode, bang·bata kenanirang donggen aro neng·nikanirang bang·batgen ine mikrakataniko on·aha.
Una agreba, uamangni neng·nikanirangko dal·e ra·ja ine urban affairs-ko nirokenggipa Deputy Chief Minister-ko uamang matnangaha.
“Kamrang da·o maiona sokaha aro re·anggipa salo ong·gipa obosta-ra maina niam gri ong·achim uko u·ina gita chinga Deputy CM-ko filerangko ra·bae nichina aganaha, aro chinga PTVC-ni tom·aniko da·on ka·na nanga ineba dabienga,” ine Rangad aganaha.
Na·simang ia video-koba nina man·gen:
Na·simang iakoba poraina man·gen: Meghalaya Assembly-ni Petitions Committee Ri-Bhoi-o awareness program-ko ong·ata
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Instagram- www.instagram.com/ne_media_hub
