Shillong, Feb 15: February 5 tariko Mynsyngat-Thangsko-o koela a·damo goprete a·sel ong·anichi sak 30-na baten kam ka·giparangni janggi galani ja·mano, a·dok sorkari East Jaintia Hills-ni Superintendent of Police Vikash Kumar-ko gipin biapchi kam ka·na watatskaaha.
Uandake, Anti-Narcotics Task Force-ni SP Pankaj Rasgania uni palo kamrangko jako ra·angskagen ine Sonibar salo Commissioner & Secretary in-charge Home (Police) CVD Diengdoh parakataha.
Ia niam gri chalaienggipa koela a·damo a·sel ong·anirangni bidingo sandina sak-sku member donggipa Special Investigation Team-ko (SIT) bikotna Director General of Police Idashisha Nongrang-ni February 12 tariko hukumko on·ani ja·mano ia rai-rangko ra·angaha. Una agreba, SIT-ni gita am·sandianirangko dake, niamni kri ja·kurangko de·anggen ine DGP-ni ge·etanio parakatanikoba dakangaha.
Dy. Inspector General of Police (Eastern Range) Vivekanand S Rathore-ni dilenggipa ia SIT ong·gimin obostarangni a·selrang, kacharini on·gimin hukumrangko aro NGT-ni ge·etanirangko am·sandie man·giminrangko on·na nanggen.
Am·sandianirangko dakon, koela a·damo darangba jachange donggiparang dongjaha ine nike February 9 tariko dontongataha.
Da·ona kingking sakbri manderangko rim·aha, aro authority-rangni aganani gitade, koela bang·gipa biaprango am·sandion niam gri cho·gimin koelarangko hajal hajal metric tonne-rang man·aha.
Ia obostarangko namatna judicial commission-ko donaha ine a·dokni Skotong Minister Conrad K Sangma parakataha.
2014 bilsio NGT Meghalaya a·doko a·kol cho·e koelako bikotani aro salruraaniko dontongatahachim, indiba iarangko niam gri dakengkua ine nikna man·gen.
Na·simang iakoba nina man·gen:
Na·simang iakoba poraina man·gen: Rajabala-o so·otani case-o saksako rim·dapa
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/ne_media_hub
