Shillong, Feb 14: Koelako dontongatani bidingo manderangna ku·chakanirangko sorkarini chu·sokatna man·gijani a·sel manderangna jajaataniko on·enga ine Congress-ni dilgipa Vincent H Pala-ni matnanganirangko Deputy Chief Minister Prestone Tynsong jechake aganangaha.
Meghalaya-o Nationalisation Act-ko a·dokni mongsonggipa mineral-rang jekai koela aro limestone-rangna a·bachengo ra·gatanichi neng·nikanirangko man·ani bidingo Tynsong talate on·angaha.
“Nationalisation Act-o ning·o dongimin mineral-rangko Union Government of India-na agre darangba jako ra·na aro dontongatna aro darangba nokgipa ong·na man·jawa ine ia Act-o janapa,” ine Tynsong aganangaha.
Skotong Minister Conrad K Sangma-ni dilanichi MDA sorkari, manderangni mongsonggipa dake cha·enggipa janggi tangani chol, chong·motan koela aro uandakgiparangko bikotanirangko dontongatani bidingo dakgrikna inenba 2018 bilsio Supreme Court-ona re·angaha.
“A·arang ba a·ningao donggipa bosturang Meghalaya-o songdonggipa manderangni, chatchirangni, syiem-ni, dolloi-ni ba je gipin mandenian ong·a ine uno parakataha,” ine Tynsong aganangaha.
Uandake, namedake license-rang aro hukumrangko ra·e koela aro uandakgiparangko cho·anirangko dakpila sorkari da·o kamrangko ka·enga.
District administration-rangko niam gri jebasi a·kol cho·e koela bikotanirangko dontongatchina sorkari pil·nipil ge·etanirangko on·ataha ineba Tynsong janapangaha.
Una agreba, niam gri koela cho·anirangko dakanio bang·a manderangan jak donga inenba ia obosta namen ning·tugipa ong·a ine Tynsong parakataha. Ia neng·nikaniara 2014 bilsio NGT-ni koela cho·anirangko dontongatani a·sel ong·a, jechin a·dokni silroro-namroronio aro mongsongbate koela bang·gipa biaprango donggipa manderangni janggi tangani cholrangko dake cha·anio neng·nikanirangko on·aha ine ua talatangaha.
Uandake sorkari, niam gri chalaienggipa koela a·damrangko chipna krenge kamrangko ka·enga ine Tynsong parakatangaha.
Na·simang iakoba nina man·gen:
Na·simang iakoba poraina man·gen: Roman Oikor-ko dabina Tripura a·dok gimiko manderang ritingsan dake chadengduule donga
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/ne_media_hub
