Agartala, Feb 14: Kokborok-na Roman oikorko dabiengon, Sonibar salo Tripura-ni dingtang dingtang biaprango manderang jinma ritingsan dake chadengduule donganirangko dakenba, uamangni dabiani bilakbataniko mesokangaha. Ia dabianirangko Twipra Students’ Federation (TSF) aro Tipra Indigenous Students’ Federation-ni bakrimgimin United Movement Committee for Roman Script (UMCRS) ong·atdilangaha.
Dabianirangko dakenggiparang a·dokni dam 11 dingtang dingtang biaprang jekai Agartala, Killa, Amarpur, Sonamura, Teliamura, Ambasa, Khowai, Manu, South Tripura, Gandatwisa, aro Bishraganj-o riting ge·sanko ja·rike saksani ja·man saksa dake chadengduule dongaha.
Skotong songjinmao ia chadengduule donganirang Astabla joloni Circuit House-ona sokangaha, aro iano ritchani ritcha chatro-chatrirang, u·i-ma·sigipa skia man·gipa manderang, ukilrang aro civil society-ni member-rang bak ra·angaha. Uamangl ekka pal·takrangko ra·bitenba, Tripura-ni bang·a tribal manderangni agangipa Kokborok ku·sikna Roman oikorko jakkalaniko gong·raken a·bachengatna nanga ine dabiangaha.
Ia dabianirangko tom·tome ong·atangaha, aro ian uamangni ku·sikni gamchatani aro jatni dakbewalrangko rakkina bilake dakmesokani ong·a ine ia tom·aniko ong·atgiparang aganangaha. Roman oikor, Kokborok ku·sikni gam·anirangko nambate mesokna man·a aro ma·ambioni ong·bagipa jatrangni miksonganirang baksa melia ine UMCRS-ni dilgiparang talatangaha. Uamangni dabianirangara an·tangtangni jatni dakbewalko ripinganinasa ong·a aro badiaba oikorko jegalani ong·ja ineba uamang janapangaha.
Uandake, oikorko jakkalani bidingo meligrikgijanirang ru·uta bilsirangoni ong·baenga, jeon dolsa Roman oikor-ko aro dolgipin Bengali oikorko jakkalna nangnikenga. Jegalanirangko dakengmitingo, Kokborok ku·sikni bidingo manderangni gisepo jajaanirangko ong·atenga ine dilgiparang a·dokni skotong ministerko matnange aganangaha. India-ni ong·gijagipa oikorko jakkalanichi niam bidiko donggipa Chet-gipa Schedule-o janapgiminrangna neng·nikani ong·naba donga ine agananirangara manderangna ma·sisretaniko on·naba gnang aro Schedule-o janapgimin ku·sikrangna niam bidikni gita mamung beng·ani dongja ine uamang aganangaha.
Uandake, a·dokni gipin bakrangoba manderang apsandake bakrime dabianirangko dakangaha. Sorkari skie ra·achakram biaprango aro dingtang dingtang kamrango Kokborok ku·sikna Roman oikorko ra·chakjana kingkingde dabianirangko dakangkugen ine dilgiparang aganangkuaha.
Tripura-o mongsonggipa jakkalgipa ku·sikrangoni mingsa, Kokborok-ko skulrango skie on·enga aro sorkarini adita kamrangna jakkalenga. Indake ong·genchimoba, oikorko jakkalani bidingo meligrikgijanirangni a·selo pil·nipil kajia-golmal ong·anirangko nikna man·enga.
Uandake, Sonibar salo a·doko gimiko jegalanirangko dakanichi re·baenggipa jagnini gisepo ong·nasienggipa Tripura Tribal Areas Autonomous District Council-o (TTADC) Roman oikorko dabianian mongsonggipa katta ong·naba gnang ine a·dokni adita u·i-ma·sigipa manderang aganenga. Ia meligrikgijanian NDA baksa bakrimenggipa mongsonggipa dolrangni gisepo – Bharatiya Janata Party aro Tipra Motha Party-ni gisepo politics-o mongsonggipa ramako mesokgipa ong·gen ine niksamsoenga.
Na·simang iakoba nina man·gen:
Na·simang iakoba poraina man·gen: PM Modi Guwahati-o hajalni hajal Assam BJP Booth Worker-rangko gronga
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/ne_media_hub
