Agartala, Aug 28: Tripura a·doko songpanggipa bang·a tribal jatrangni agangipa ku·siktang Kokborak-na Roman oikorchi seaniko ra·chakenba parakatchina gita ru·uta bilsirangoni dabibaenganiko Tripura sorkarini knachakna sikjae da·alona kingking jrip-mittip dongbaanina kusi ong·jaeming TWIPRA Student’s Federation (TSF), Sombar salo Tripura a·dok gimiko konta 12-na champengataniko ong·atangaha
Indake ong·engon, chatro dolni jingjengatanganio a·dokni police baksa manderangni nanggrikaniko nikangna gita man·skaaha. Uandake, a·dokni police-rang skotong Agartala-oniko man·chape dingtang dingtang biaprangoniko ramarangko champengatanio bak ra·gipa sak ritchana bata manderangko rim·chimchimaha.
Tripura a·dokoni bilakbatsranggipa tribal students organisation TSF-ni ia dabianiko bilsi 50-rangna kingking dakbagenoba, darang sorkariba da·alona kingking chu·sokate on·kujaengani gimin a·dok gimikchi konta 12 na champengatna gita parakatahachim.
Jingjengataniko dakani bidingo students organization-ni talatani gitade, Kokborak ku·sikna Roman oikorchi seaniko jakkalani bidingo TSF, batanggimin jagnina skang a·dokni Governor S N Arya-ko grongenba memorandum-ko on·angahachim, aro ia mamlani gimin a·dokni skotong minister Pa Manik Saha-ko gronge agangrikanikoba dakahachim, indiba tribal jatni dabianiko a·dok sorkari dal·e ra·ja gita nika aro iako uamang namrengesa ra·engani gimin a·dok gimik jingjengataniko dakana agre chingna minggipin chol dongskajaha ine parakataha.
Tribal jatrangni ku·tang Kokborak-ko sena maming oikorko da·odipet jakkala dongkujaengani gisepon, ia ku·sikna Debnagari ba Roman oikorchi seaniko ra·gatani gimin bakgni ong·enganikoba nikna gita man·engachim.
Indake ong·engon, Parliament-o tom·anio 125-gipa Amendment Bill-ni gimin gong·rake chanchianiko naatchina gita TSF-ni dilgiparang ma·mong sorkarioba dabiangjolaha.
Watch
Find latest news from every corner of Northeast India at hubnetwork.in, your online source for breaking news, video coverage.
Also, Follow us on-
Twitter-twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/nemediahub
