24.6 C
Tura
spot_img

Kuki-Zo jatrang, Union Territory-ko ma•eke songe on•china dabie Churachandpur-o re•jomaaniko daka

Must read

Churachandpur, June 24: Indigenous Tribal Leaders Forum (ITLF) dol, Union Territory-ko ma•eke uamangna songe on•china dabienba Sombar pringni bako Churachandpur-o re•jomaaniko ong•atangaha.

Ia re•jomaaniko, Indian Constitution-ni Article 239A-ni ning•o on•gimin niamrango pangchake, Manipur a•dokni a•bri jolo  songdongkamenggipa Kuki-Zo  manderangna dingtangmancha sorkarini gita Union Territory-ko songe on•china dabie, Churachandpur Public Ground-oni Tipaimukh Road, IB Road aro Tedim Road-ko napakange, Churachandpur Deputy Commissioner-ni office sepango donggipa Peace Ground-ni Wall of Remembrance-ona re•jomaaniko dakangaha. Ia re•jomaaniko Zomi Council-ni General Secretary, Pauneihlal Vaiphei dakdilangaha.

Advertisement

Ia re•jomaanio bak ra•enggipa sakantian, dabiani kattarangko segipa banner aro lekka pal•takrangko ra•e re•jomaangaha.

Jiribam a•jani me•a bi•sa saksa, Siamliam minggipaba, uni pagipa Lallianmuang-ko June 6 tariko bobil dolrang rim•sruke ra•angahani gimin, una kakket bichalko ka•e on•china mol•mole ia re•jomaanio bakko ra•angaha.

Advertisement

Indake, Churachandpur-ni Deputy Commissioner, Dharun Kumar-ni jak gita Union Home Minister Amit Shah-na uamang memorandum-koba on•angaha.

Ia memorandum-o, Manipur a•doko dongenggipa Kuki-Zo manderangna, Indian Constitution-ni Article 239A-ni ning•o donsogimin niamrango pangchake Union Territory-ko songe on•china dabianiko chu•sokatchi aro a•doko so•sojengjeng ong•enganiko tom•tomatna kam ka•enganina mitelpilskaaniko janapataha.

Na·simang ia video-koba nina man·gen:

Na·simang iakoba poraina man·gen: Manipur a•dokni mande saksako gondu-ni grongko sriksrik palbadingna jotton ka•mittingko rim•a

India A·songni Salgro Salaram A·dokni gitalgipa koborrangko ma·sina sikode na·simang hubnetwork.in,-oniko video-ko niangan baksa poraina man·gen.

Chingko ka·mao mesokgipa social mediarango jarikna man·gen:-

Twitter- twitter.com/nemediahub

Youtube channel- www.youtube.com/@NortheastMediaHub2020

Instagram- https://www.instagram.com/ne_media_hub

spot_img

More articles

spot_img
-->

Latest article