24.6 C
Tura
spot_img

Manipur a•dokni mande saksako gondu-ni grongko sriksrik palbadingna jotton ka•mittingko rim•a

Must read

Guwahati, June 24 : Sonibar salo, Darjeeling a•jani Naxalbari minggipa biaponiko, Manipur-ni mande saksa jekon Ajit Singh ine mingachim, uko West Bengal-ni forest official-rang rim•aha, aro uonikio grong ge•sangipa gondu-ni grongkoba man•aha.

Manipur-oni ia grong ge•sangipa gondu-ni grongko sriksrik palbadinganiara ian skanggipa changna ong•ja, maina iana skangba bang•a Manipur-o songdong a•chaenggipa manderangko gondu-ni grongrangko palbadingani bidingo matnanganiko man•gipa bang•beachim. Ia sriksrik palbadinganio Nagaland-ni manderangba bak dong•paachim ine u•ina gita man•aha.

Advertisement

Rim•a man•gipa, Ajit Singh, ia gondu-ni grongko Nepal-ona ra•angna gita jotton ka•engachim, indake ong•engon, ia mande buringni matburingrangni dingtang dingtang bakrangko sriksrik palbadinggiparangni dolba ong•na nanga ineba forest offial-rang u•iatangaha.

“International border ba a•songni sima ari gita, Nepal-ona gondu-ni grongko palbadingna gita jotton ka•enga,” ine Sashastra Seema Bal (SSB)-oniko chinga koborrangko man•aha.

Rim•a man•gipa, gondu-ni grongni bakroani 8 inchi aro jreani kg 1.25 mangni gita ong•genchim, ine Kurseaong-ni divisional forest officer Devesh Pandey u•iatangan baksana, Ajit ia grongrang baksana buringni matburingrangni dingtang dingtang be•enni bakrangko Nepal-ona, aro unoniko China-ona watatna nanggipa ong•achim, maina china-o ia gondu-ni grongrangoniko skang cha•songni ba jatni bewalo samrangko tarianio jakkalrongachim,” ineba ua agandakangkuaha.

Advertisement

Chinga Naxalbari Hatighisa-ni Tukuriajhar forest range-oni dol ge•sako watatahachim, indake attamo jensalo Ajit Singh sokba•aha unon chinga uko rim•na gita man•aha,” inenba Pandey aganangaha.

Ia bilsini January ja•o, Manipur-o songdonggipa slai gona namen sapbegipa mandeko niamgri batburingrangko so•otgipa dolrang, Kaziranga National Park-oniko tangka on•e manggni gondu-rangko so•otataha. Indake ong•engon, Bokakhat police dolrangni, niamgri gondurangko so•otgiparangko rim•a jamansa park ning•oniko gondu manggniko January jani 21 tariko so•otaniko rim•na gita man•aha. Iana agreba, ia bilsi May jani 21 tarikoba, Assam-ni Kaziranga National Park-oniko niamgri matchuringrangko so•otgipa sak 3 manderang chongmotan Amar Choudhury jekon Harilal Choudhury ineba u•itokachim, Gunakanta Doley aro Achinta Morang jekon Empe Morang ineba u•itokachim iamangko rim•aha.

Advertisement

Re•anggipa bilsio, CBI dolrang, 2012 bilsio Assam-ni Karbi Anglong a•jaoniko niamgri gondurangko so•otgipani grongko ra•bitgipa Dimapur-ni mandeko Nagaland-o rim•ahachim. Indake ong•engon, CBI dolrang 2018 bilsini March jao niamgri gondurangko so•otanio jak dongpaa ine matnangako man•gipa sak 5 manderangni kosako badi ka•aniko dakangaha. Sing•sandianirangko dakanio, Dimapur-ni Raidang Engti-ni bimungba nadobaahachim, indiba da•o dipet uko rim•na gita man•kujaenga.

Na·simang ia video-koba nina man·gen:

Na·simang iakoba poraina man·gen: NH-415 Four Lane Highway-ko tarianiko ta•rake matchotatchina CM Khandu didia

India A·songni Salgro Salaram A·dokni gitalgipa koborrangko ma·sina sikode na·simang hubnetwork.in,-oniko video-ko niangan baksa poraina man·gen.

Chingko ka·mao mesokgipa social mediarango jarikna man·gen:-

Twitter- twitter.com/nemediahub

Youtube channel- www.youtube.com/@NortheastMediaHub2020

Instagram- https://www.instagram.com/ne_media_hub

spot_img

More articles

spot_img
-->

Latest article