Shillong, Oct 5: Changbrina Congress MDC ong•enggipa aro KHADC-o Opposition dolko dilenggipa Lamphrang Blah, Mongolbar salo National People’s Party (NPP)-ni election program-ko Madan Shad Mawphlang-o ong•atanio NPP-o napangaha. Ia election program-ko ong•atanio NPP-ni national president aro Meghalaya a•dokni Chief Minister Conrad K Sangma baksana, a•dokni Deputy Chief Minister Prestone Tynsong, Rajya Sabha-ni MP WR Kharlukhi aro NPP-ni dingtang dingtang dilgiparangba dongpae bakko ra•angaha.Re•baenggipa October-ni 30 tariko ong•atenggipa Mawphlang Assembly constituency-ni bye-election-o Lamphrang Blah, NPP-ni candidate ong•e susagen ineba ia tom•anio parakataha.Meghalaya a•doko damgittam Assembly constituency-ni by-election-ko October 30 tariko ong•atenba, by-election-ni result-rangko November 2 tariko parakskana siengachim.

Meghalaya a•dokni sakgittam MLA-rang, chong•motan Mawryngkneng constituency-ni MLA David A Nongrum, Mawphlang constituency-ni MLA SK Sunn aro Rajabala constituency-ni MLA Dr Azad Zaman, ia bilsini gisepo siangahani gimin ia damgittam constituency-ni by-election-ko ong•atna nangengachim.Indake ong•engon, Mawryngkneng bye-election-o Pyniaid Syiem aro Rajabala bye-election-o Abdus Saleh, NPP-ni candidate ong•e susaskana siengachim.