Shillong, Apr 7: Meghalaya a•doko lekka porako nambatatna gita sorkarini rakbee kam ka•anichi ia bilsini Secondary School Leaving Certificate (SSLC) porikkao nambata result-rangko man•aha ine Mongolbar salo, a•dokni Education Minister Lahkmen Rymbui aganaha.
Rymbui-ni kobor ra•timgiparangna aganani gitade, ia bilsini SSLC porikkako segiparangoni sak 6000-mangni gitasan chu•sokgipa ong•jahani gimin ian a•doko lekka porako namdapatna sorkarini rakbee kam ka•anio chu•sokaniko mesokani ong•aha.
Ia porikkao chu•sokna man•gijagipa chatro chatrirangkoba, re•baenggipa May jao ong•atna sienggipa SSLC supplementary porikkao name dakskachina gita Education Minister didiataha.
SSLC porikkani result-rangko namdapatna gita dingtang dingtang skulrang aro sorkariba raken kamko ka•aha ine janapatengon, chatro chatrirangna dakchake on•na gita ki•taprangko tarianichi aro dingtang dingtang kamrangchi da•o SSLC porikkani result-rang nambatrorobaengaha ine Education Minister aganaha.
2018 bilsionin ia sorkari, lekka porani kamrangko mongsongbatgipa ong•e ra•aha ine janapatengon, mikkangchiba chatro chatrirangna nambatako on•na aro kolgapgijanirangko kolgapatna gita sorkari kam ka•angkugen ine Rymbui, ku•rachakaniko on•angaha.
Na·simang iakoba nina man·gen:
Na·simang iakoba poraina man·gen: Gorkha Pathshala-oni SSLC porikka seanio 8-gipa biapko man·gipa Sharat Chettri an·tangni chu·sokani bidingo agana
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/ne_media_hub
