35.6 C
Tura

Lekka porana sorkari tangka paisarangko koros ka•angkugen: Conrad

Must read

Shillong, Jan 30: Meghalaya a•doko lekka porani gadangko tang•doatna gita a•dok sorkari, tangka paisarangko nangani kri koros ka•angkugen aro chubata gadangni lekka porana nokrangkoba rike on•angkugen ine Mongolbar salo, Meghalaya a•dokni Chief Minister Conrad K Sangma, East Khasi Hills a•jani Sohra Government College-o jinmana parakataha.

Ia program-ko ong•atanio, a•dokni Education Minister Rakkam A Sangma aro Health Minister Ampareen Lyngdoh-ba bak ra•angaha.

CM Conrad unveils vision for Education: Focus on infrastructure, NCERT integration, and Multi-disciplinary streams

Chief Minister-ni aganani gitade, Meghalaya a•doko Science, Engineering aro Architecture-ni centre-rangkoba kuliengahani gimin higher & technical education-ba tang•doataniko man•gnok.

Advertisement

Kam ka•na changgipa sapgipa manderangko ong•katatanian ia sorkarini mongsonggipa miksongani ong•enga ine janapatengon, chadamberangna gisik on•ani aro lekka porako mongsongbatgipa ong•e ra•anian ia sorkarini mongsonggipa daitorang ong•angkugen ine Sangma aganaha.

Meghalaya a•doko lekka porako tang•doatna gita sorkari rakbegipa ja•kurangko de•na nangaha ine janapatengon, a•dokni gitcham education minister Lahkmen Rymbui-ni dilanichi lekka porani a•bao ia sorkari, dingtanganiko ra•bana man•aha ine Chief Minister parakataha.

CM Conrad unveils vision for Education: Focus on infrastructure, NCERT integration, and Multi-disciplinary streams

Chief Minister-ni parakatani gitade, indita bilsirangna a•dok sorkari, lekka poraniko kajina ra•eba jakkalchipgija donaiahachim indiba ia sorkari jako ra•ani ja•man, ia kajinarangchin skul aro college nokrangko rikna aro taridapna gitaba jakkalskaaha.

Meghalaya a•doko gong kror 500 tangkarangchi dam 2500-mangni gita LP skul nokrangko rikdapaha ba mitamkode taridapaha ineba ua aganaha.

Meghalaya Board of School Education (MBOSE)-o NCERT-ni textbook-rangko ra•gatengani gimin janapatengon, a•gilsak gimikon Mathematics aro Science-rang apsan ong•a aro a•doko NCERT textbook-rangko ra•gatanichi a•dokni chatro chatrirangba a•gilsakni gipin chatro chatrirang gitan apsan ong•pana man•gnok ine Chief Minister parakataha.

Advertisement

NEP 2020-ni ning•o dingtang dingtang subject-rangko ra•dime a•bachengatengani gimin janapatskaengon, a•dokni pilak sorkari college-rangon commerce aro science stream-rangko a•bachenggnok ine Chief Minister parakataha.

Da•o dipet ia sorkari, lekka porana gong kror 200-ko chamengani gimin ian pilak department-rangna bate tangka paisa chamani ong•enga ineba ua aganaha.

Ia tom•anio a•dokni Education Minister Rakkam Sangma-ba jinmana aganprakengon, a•doko skul aro college-rangko namdapate, namgipa biterangko man•na gita ia sorkari, a•dokni pilak skul aro college-rangnan nanga gita dakchakanirangko on•enga ine parakataha.

Iakoba poraie nina man·gen: Assam-o ong·atenggipa Int’l Elders Conference-o jatni daka rikanirangko mesokanga

WATCH:

Find latest news from every corner of Northeast India at hubnetwork.in, your online source for breaking news, video coverage.

Also, Follow us on-

Twitter-twitter.com/nemediahub

Youtube channel- www.youtube.com/@NortheastMediaHub2020

Instagram- www.instagram.com/nemediahub

More articles

-->
-->

Latest article