Shillong, June 30: Batanggimin adita salrangna skang Nagaland-oni A⋅chik sakgni Samuel Sangma aro Rosy Sangma-ni siani bidingo salgro salaram gimik ong⋅nasipile jingjengengon, Meghalaya a⋅dokni skotong Minister Pa Conrad K Sangma suk ong⋅gijani kattarangko parakataha. Anga Delhio donggipa dingtang dingtang dolrang baksa agangrikaha aro a⋅sel ong⋅gipa nokdangni pagipa baksaba golpoataha. Uamangni nokdangoni a⋅sel ong⋅anina badi ka⋅ode anga niroke kam ka⋅gen aro maiba neng⋅nikanirangko chagronga ong⋅ode man⋅a dipet jako ra⋅e dakchakaniko on⋅gen ineba Pa Sangma ku⋅rachakangaha.