Guwahati, July 4 : Bristibar attamni bako, Lumding-oni Badarpur-ona re·gipa relgari ramao donggipa Dihalko aro Mupa station-rangni gisepgriko a·a ruani a·sel rong·terang aro a·dubekrangchi rama champengatako man·aha. Indake, relgari-ni dolrang walgimik a·a ruanichi ramako champengatgipa jabolrangko galenba, Sukrobar pringni kamrangko matchotaha aro relgari-rangni re·ruraaniko a·bachengpiltaiataha.
Rama champengatako rongtalata jaman skanggipa ia ramako re·angchenggipa relgariara pringni 9:42-o re·gipa Agartala-Lokmanya Tilak Terminus Express ong·a.
Relgarirangni re·ruraaniko champengatako man·ani somoio relgario songregiparangna nangchongmotgipa u·iatanirang baksana uamangna cha·ani aro chi-rangko on·a station-rang jekai Guwahati, Lumding, Silchar, Badarpur aro Agartala-o dingtangmancha help desk-rangko donataha. Indake, da·o dontongata man·gipa relgarirang re·rurapilna man·genchimoba, pilak relgario songregipa manderangkon songrena am·engon gital u·iatanirangna relgari-ni official website-rangko nichina ba helpline-rangona ka·e sing·sandianiko dakchina didiataha.
Na·simang ia video-koba nina man·gen:
Na·simang iakoba poraina man·gen: SWGH-ni MT 10 gul murisko Mumbai-ona watata
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Instagram- www.instagram.com/ne_media_hub
