Guwahati, Dec 23: Assam-ni West Karbi Anglong-ni Kheroni jolo jegalanirangko dakgipa manderang adita sak police dolrangko ro•ong gotatenba bang•a officer-rangko mata-bua man•ataha.
Ia obosta namrorojani a•se ua jolo adita police dolrangko dongtimatna rimbadapna nangaha.
A•jao songdonggipa ma•ambioni ong•bagipa Karbi manderang aro gipin tribal dolrang Sixth Schedule-ni ning•o ong•gipa Village Grazing Reserve-o (VGR) Professional Grazing Reserve-o (PGR) songdongenggipa manderangko a•rike antignina baten Phelangpi-o antignina baten okumu chake jegalanirangko dakengahachim.
December 22 tariko Phelangpi/Kheroni-o police dolrang okumu chake jegalanirangko dakenggiparangko re•bae a•rikeaha.
Uandake Mongolbar salo Ministee Ranoj Pegu West Karbi Anglong-ni Kheroni-ona re•ange obostako nirokeaha aro ua jolo songdonggipa manderangko gronge tom•tomaniko rakkichina mol•molangaha.
Minister-ni re•baani somoio, ka•onangenggipa songdonggipa manderang chrik-a•bokankrangko dake nambata daka-rikanirangko aro tom•tomaniko dabia baksana, Karbi Anglong Autonomous Council-ni (KAAC) Chief Executive Member Tuliram Ronghang-ni kosako ka•onanganiko parakataha.
“Paksachini biapko bangbang ong•atna man•aha aro paksachipakkoba ru•utgija salrangni gisepon bangbang ong•atgen. Tom•tomaniko ra•bana chanchirimanirangko dakaha. Minister saksa re•bae manderangni neng•nikanirangko knachakaha. Saoba neng•nikankrang donggenchimode, uamang niamni gita re•na nanggen. Darangba niamko an•tangni jako ra•na man•jawa. Chu•onga gita police dolrangko uano dongtimatengaha,” ine Akhilesh Singh, IGP (Law & Order) parakataha.
Sombaro Assam-ni West Karbi Anglong a•jao obostarang namrorojae dakgrik-dinggrikenba police-rang slai goaona sokaha aro sakgittam manderang aro saksa paramilitary dolni mande mata-buako man•aha.
Uandake Assam sorkari December jaon a•dok sorkari, Karbi Anglong Autonomous Council (KAAC) aro jegalaniko dakenggipa dolrangni manderang baksa tom•anirangko dake ong•enggipa obostarangni bidingo chanchirimanirangko dakna tik ka•aha.
Na·simang iakoba nina man·gen:
Na·simang iakoba poraina man·gen: Skotong Minister Conrad K Sangma, Santa Claus dake Tura Bazar-ni manderangko gronga
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/ne_media_hub
