Tura, September 17: Budbar salo, Inter Mahari Football Tournament-ni quarter final-ko Chandmary-o donggipa Govt. Boys Higher Secondary School-ni kal·chakramo ong·atangaha, jeon Manda Mahari 4-0-chi Cheran Mahari-ko amatenba semifinal-ona doangaha. Manda Mahari-ni Wegasal M Sangma, 4-gipa minute-o goal 1-ko chipe on·angaha, indake jamano 27-gipa aro 37-gipa minute-o Mittilson M Sangma goal 2-ko chipe on·ani gisepon, 38-gipa minute-o Chenik Ch Marak-ba, bon·kamgipa goal-ko doltangna chipe on·angkuaaha.
Cheran Mahari-ba goal-rangko chipna jotton ka·beahaoba chu·sokna gita man·jani gisepon, uamangni doloni Lebian Ch. Momin-ko kal·susaani niamrangko changni chang pe·anina Red Card-ko aro Tengkam Badee Ch. Momin-na yellow card-ko on·angaha. Indake ong·engon, kal·susaanio nambate dakahanina Mittilson M. Sangma, Player of the Match award-ko man·angaha.
Inter Mahari Football Tournament-ni Men’s aro Women’s Division-ni semi final-rangko Tura-ni Dakopgre-o donggipa P A Sangma Stadium-o ong·atanggen. Women’s Division-o Mangsang Mahari baksa Dangsu Mahari September jani 18 tariko aro September jani 22 tariko Mrong Mahari baksa Gabil Mahari susagrikaniko nikangna gita man·gen. Indake Men’s Division-o Chambugong Mahari baksa A·we Mahari September jani 20 tariko aro September jani 24 tarikora Te·gite Mahari baksa Manda Mahari susagrikaniko dakangskagen.
Na·simang iakoba nina man·gen:
Na·simang iakoba poraina man·gen: AKMTTA-ni gipin Tourist taxi-rangko a·dokona napna on·jachina dabie jingjengatenganiko dontongchina TOAM mol·mola
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/ne_media_hub
Download our app from playstore – Northeast Media Hub
