Imphal, Feb 27: Manipur a•dokni ning•o donggipa Churachandpur a•jao obostarang namjabatroroengani a•sel internet champenganiko sal 5-na ra•dodapataha chongmotan March jani 2 tarikona.
Mobile service on•giparangkoba ge•etgimin gita niamrangko jarikchina ui•ataha.
Manipur Home Department-ni Joint Secretary Mayengbam Veto Singh-ni ge•etanio janapatani gitade Churachandpur a•jao pilak a•selrangko nigrike nion a•selrang namjabatroroengani gimin internet jakkalaniko champengatna nangaona sokaha. Indake pilak internet jakkalgiparang chongmotan mobile internet ba VPN rangko jakkale kajinna gilgipa Churachandpur-ni biaprango internet ko jakkalna man•jawa ine ge•etaniko on•angaha.
Saksa police constable jean silchidare rabitgipa bobil dolrang baksa video-o dongpaachim ua video giproroangahani jaman uko kamoniko dikdiksana ra•galani gimin namnikgijaniko me•sokna jingjengatgipa dolrang District Complex Office- ona drae napna jotton ka•aha indake uamang chelchakgipa dolrang baksa nangrikani ong•aha aro ia a•sel ong•anio sakgni manderang an•tangtangni janggiko gimaatna nangaha.
A•dok sorkari re•anggipa Feb jani 16 tariko Churachandpur a•jao sal 5- na internetko champengataniko dakataha.
Kobor man•soani gitade, Churachandpur-ni relief camp-ona, relief material ba nangchongmotgipa bosturangko ra•angnagipa bol 12 truck aro bus rangko office complex-o nengtakate don•mitingko so•aha.
Jingjengatgipa dolrang a•jani Deputy Commissioner-ni dongchakram biapkoba so•aha indake ia a•sel ong•aniara jatni nisankoba mande ra•gijani ba onia ka•ani gita ong•aha.
Na·simang iakoba poraie nina man·gen:Manipur-o Ex-servicemen Rally-ko ong•ata
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in,-oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter-twitter.com/nemediahub
Youtube channel- www.youtube.com/@NortheastMediaHub2020
