Imphal, July 18: Japan a·songo ong·atanggipa Tokyo Olympics-o bak ra·e cheenba silver medal-ko a·songna man·bae on·pilgipa Manipur a·dokni de, Mirabai Chanu, a·doktango da·o ong·enggipa so·so-jengjengrang jagni batipiloba tom·tomangpilna maming ka·donga gri ong·engani gimin, ua a·jao jatgnini gisepo kajia-golmal ong·engani mamlako tom·tomatna gisiko nangchina aro nanga gita ja·kurangko de·ate ong·bewal tom·tomaniko ra·bapilchina gita a·songni Prime Minister Pa Narendra Modi aro ma·mongni Home minister Pa Amit Shah-maangko kan·dikbegipa video-ko tarienba gisik ka·tongchi mol·molataha.
Mol·molatani video-ko an·tangni jakkalgipa social media gita watdoatgipao, Mirabai Chanu, jagni batpile golmal aro so·so-jengjeng ong·enganichi poraienggipa bi·sarangna aro kal·susaani a·bao gisik nanggipa chadamberang chu·onga gita ranta ka·anirangko dakna man·jaenganichi chaktogija duk aro neng·nikanirangko man·tokengani gimin ia obostako skanggipao done nirokatpachina mol·molatan baksa, Manipur -o songdonggipa manderangko naljokatchina aro skango gita tom·tomaniko a·dokna ra·bapilchina a·songko rikdilenggiparango mol·moldapataha.
Iakoba poraie nina man·gen: NALSA Scheme-rangnigimin dalbegipa tom•bimonganiko Gambegre-o ong•ata
WATCH:
Find latest news from every corner of Northeast India at hubnetwork.in, your online source for breaking news, video coverage.
Also, Follow us on-
Twitter-twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/nemediahub
