Shillong, Mar 5: Budbar salo, Deputy Chief Minister aro Home (Police) incharge Prestone Tynsong, Mawryngkneng-o Emergency and Fire Service Station rikaniko ta•raken a•bachengatgnok inenba ka•dongataniko on•angaha.
District administration, 22,000 sguare feet a•arangko home police department-na pakwatman•aha ineba u•iatengon, rika cho•ani kamrang matchotahaode, ia fire station-ko jakkalna gita man•gnok, inenba Tynsong assembly-o aganchakaniko on•angaha.
Home police-ni engineering dol, tangka paisarangko am•na skang detailed project report (DPR)-ko tarie on•angchenggen, uni jamanosa chong•mot kamrangko a•bachengna gita man•gnok, inenba Tynsong u•iatangaha.
Opposition-ni dilgipa, Mukul M Sangma-ni, wa•al kamanirang batroroani a•sel sorkari, ia fire station rikaniko mongsongbate ra•engama ine sing•aniko dakon, Tynsong ia miksonganion ong•a ine aganchakaniko on•angaha.
Na·simang ia video-koba nina man·gen:
Na·simang iakoba poraina man·gen: USTM Chancellor-ko bail on•a skang uni mamlani bidingo court-o name sandichenggen
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
