Shillong, May 27: Meghalaya State Pollution Control Board (MSPCB) aro 98.3 Big FM Shillong, Meghalaya a·doko jabolrangko name galna nangani bidingo manderangna mikrakataniko on·a miksongenba dingtangmancha “Rhyme of the 7Rs” campaign-ko a·bachengataha.
Ia campaign-ko, 2025 bilsini May 17 tarikoni radio aro social media-rang gita a·bachengataha, indake 2025 bilsini May jani 27 tarikoni June jani 6 tarikona rongtal an·talatanirangko dakangskagen.
Rethink, Refuse, Reduce, Reuse, Repair, Regift aro Recycle ba pangkamgipa ming 7R-rango pangchake ong·atgipa campaign ong·a, jeon changa sapani, doka dam·ani, dakbewal, gital chanchibewalani aro jinma tom·bimonganirangko jakkale jabolrangko maikai name galna nanga aro maikai samtangtango donggipa ong·telaigiparangna simsak nirokaniko on·a nanga uni gimin skie on·anirangko dakanggen.
Ia campaign-ko ong·atanio mongsonggipa kamrangara uan Canter Activity ong·a, jeon gari van bolsa dingtang dingtang biaprangona re·angenba jabolrangko simsake galani aro 7R-rangni gimin manderangna skie on·aniko daka. Iano “98.3 KGs of E-Waste” ingipa dingtangmancha program-ba donga jeon gitcham electronic bosturangko simsake aro naljoke galchina didia. Minggipinara uan, Public Space Makeover ong·a, jeon jinma roram biaprangko rongtalatenba, gitcham bosturang ba taritaigimin bosturangko jakkale songni manderangni dakchakanichi jinma roram biaprangko nitoata.
Iano dal·batgipa tom·bimonganiara uan Waste Fair ong·a jeon an·saogipa program-rang jekai Art from Waste ba galgimin bosturangoniko taripiltaiani, Trashion Show ba galgimin bosturangoniko tarigimin ganding chindingrangko gane dakmesokani, Trash to Treasure Symposium ba maikai galgimin bosturangchi tangka paisarangko man·a amgen uni gimin chanchirimani baksana doka dam·a aro jatni dakbewalrangchi mikrakataniko on·a ring·salrarangko ong·atani ong·a.
“Rhyme of the 7Rs” ian campaign-san ong·aija indiba ian mingsa ja·ku de·ani ong·a. MSPCB aro 98.3 Big FM Shillong, Meghalaya a·dokko rongtalgipa aro tangsekgilgilgipa ong·atna dakchakaniko on·pachina sakantikon mongsongbate chadamberang, artist-rang, bading chiwalgipa manderang aro a·doko songdongkamgipa manderangko okamenga.
Na·simang ia video-koba nina man·gen:
Na·simang iakoba poraina man·gen: Me·chik bi·sarangko skirt kikdoe kal·akgipa mandena rakgipa sastirangko donsoenga
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Instagram- www.instagram.com/ne_media_hub
