Shillong, May 27: Adita salrangna skang, Shillong songjinmani Umsohsun jolo, skul re·enggipa me·chik bi·sarangko skirt kikdoe an·tangni mobile phone-chi ka·e ra·gipa mandena rakbegipa sastirangko donsoenga ine Ri Bhoi District Court-o POCSO-ni Special Public Prosecutor ong·e kamko ka·enggipa ukil Barijanai Kharkongor parakataha.
Kharkongor-ni aganani gitade, ia case-na Protection of Children from Sexual Offences (POCSO) Act, 2012 aro Bharatiya Nyaya Sanhita (BNS), 2023-ni ning·o dingtang dingtang sastirang donga.
“POCSO Act-ni Section 7 ning·o ia mandeni kamara me·chik bi·sako drae til·ekna chadrapani gitan ong·ahani gimin ian Section 8-ni ning·o, dairang baksana bilsi gittamoni bilsi bongaona pattoko donako man·anik ong·enga,” ine Kharkongor aganaha.
Kal·akako man·gipa me·chik bi·sa, dingtangmancha simsak nirokaniko nanggipa ong·e bilsi 12-na komigipa ong·genchimode, ba ia me·chik bi·sako kal·akaniara baditaba changgipasa ong·ahaode ba ia mandeara me·chik bi·sani ma·sigipa mandean ong·genchimode, ia mandeni dosara Section 9-ni ning·o ga·akgipasa ong·engani gimin Section 10-ni ning·o bilsi bongaoni bilsi sniona pattoko donako man·aniba ong·aigen ine POCSO-ni ukil aganaha.
Me·chik bi·sani dongnugipa bakko photo ka·e ra·ani aro uni kosako ong·gija dakna miksonganiba Section 10-ni ning·o ga·akgipa dos ong·a aro iana kamni kri bilsi gittamona pattoko donani ong·a ine Kharkongor aganaha.
Kharkongor-ni u·iatani gitade, ia me·chik bi·sani photo-ko ua mande, pornographic ba ong·gija dakgipa noksarangko tarina ka·e ra·a ong·ode ian POCSO-ni Section 14 ning·o ga·akgipa dos ong·e, iandakgipa kamrangna rakbata sastirang donga.
Na·simang ia video-koba nina man·gen:
Na·simang iakoba poraina man·gen: NPYF-ni Felicitation Award-na dorgasto galchina u·iata
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Instagram- www.instagram.com/ne_media_hub
