Tura, May 27: Ia bilsini Class 10 aro Class 12 porikkako dingtang dingtang board-rangoni see, name chu·sokanggipa chatro chatrirangna National People’s Youth Front (NPYF) Garo Hills region-ni gita ‘Felicitation Award 2025’-ko ong·atna siengani gimin je chatro chatrirangan namgipa percentage-rangko man·e pass ka·ahachim, uamang pilakkon iana dorgastorangko galchina u·iataha.
NPYF Garo Hills region-ni u·iatani gitade, je chatro chatrirangan HSSLC ba class 12 porikkako 75% ba una bate mark-rangko MBOSE-o man·aha ba 80% ba una bate gipin board-rang, jekai CBSE/ICSE aro uandakgipa board-rangoni pass ka·aha, uandakgipa chatro chatrirang ia award-na dorgastoko galna man·gen.
Apsan daken, je chatro chatrirangan class 10 porikkako 80% ba una bate mark-rangko man·e MBOSE-o pass ka·aha ba 85% ba una bate mark-rangko man·e CBSE/ICSE ba uandakgipa gipin board-rango pass ka·aha, uandakgipa chatro chatrirangba ia award-na dorgastoko galna man·gen ine NPYF u·iataha.
Ia award-na dorgasto galenggipa chatro chatrirang, Garo Hills-ni dambonga a·jarang, chong·motan West Garo hills, East Garo Hills, North Garo Hills, South Garo Hills aro South West Garo Hills a·jarango songdonggipa ong·na nanggen ine u·iatengon, ia award-na dorgastoko galna gita dingtangmancha link ba QR code-rangko tariaha aro ia link aro QR code-rangko NPYF-ni Instagram page-oniko nina man·gen ine NPYF-ni dilgiparang parakataha.
Ia award-na dorgastoko galna gita dingtangmancha niamrangko donsomanaha aro ia niamrangko name poraichengchina gitaba chatro chatrirangko NPYF didiataha.
Dorgastorangko galani bon·kamgipa tarikara May-ni 29 tarik ong·enga.
Na·simang ia video-koba nina man·gen:
Na·simang iakoba poraina man·gen: Tol·e compensation man·a NH-rango nok rikgiparangna District Magistrate mikrakata
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Instagram- www.instagram.com/ne_media_hub
