Shillong, Nov 25: Cabinet Minister aro UDP-ni MLA Lahkmen Rymbui, manderangni dingtang dingtang nangnikanirangko chu·sokatna gita tangka gong 2.5 kror-de chu·ongja ine aganenba Meghalaya a·dok sorkariko MLA scheme-ni ning·o man·enggipa tangkarangko bariatchina didiataha.
MLA scheme-ni bidingo jakgitelgipa am·sandianiko dakna nangja ine janapatengon, MLA scheme-ni tangkarangara an·tangtang jakkalani ong·ja indiba jinmani namgnina chamgimin sorkarini tangkarangsa ong·a aro MLA-rang ia tangkarangko joltango namroro silroroaniko ra·banasa jakkalenga ineba ua agantalate on·angkuaha.
Indake ong·engon, nangan koros-rangna hisap ka·anirangko somoi gita on·ja baksana DRDA-o engineer-rangko gipin biapona watrurarongani a·sel scheme-rangko a·bachengatanio jadongaatako man·ronga ine parakatengon, DRDA-o engineer-ni biap bangbang ong·e dongenga ong·ode a·jani Deputy Commissioner, ra·chakgimin kamrangko ta·rakbatatna gita uni biapo je a·jani engineer-koba jakkalna bilko on·gipa gital niamko Rymbui namnike ra·chakangaha.
MLA-rang namroro silroroaniko ra·bana bang·bata tangkarangko nanga ine u·iatengon, ia tangkarangko uamang name aro simsake jakkalskana nanggen maina ia tangkarangara manderangna dakchakaniko on·a miksonge chamgimin sorkarini tangka ong·a ineba ua janapangkuaha.
Na·simang iakoba nina man·gen:
Na·simang iakoba poraina man·gen: Zubeen Garg-ko Singapore-o so·ota ine Assam CM agana
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/ne_media_hub
