Shillong, June 10: Mamung pangchakani gri a·dokni kosako ong·gija kattarangko agane bodnam ka·gipa pilak media channelrangko Meghalayani manderango kema bi·china Tour Guides Association of Meghalaya (TGAM) Sombar salo dabiaha.
Bia ka·daldale roramna re·bagipa jiksesani obostani bidingo ta·rake sandianirangko dake dos dakgiparangko rim·na man·ahanina TGAM – Meghalaya Police, SDRF, NDRF aro pilak dakchakgipa dolrangko mitelaha.
“Adita manderang aro media dolrangni Meghalayako kenna nanggnigipa biap ine ong·gija bodnam ka·aniko chinga raken jegala. A·bacheno “Meghalaya Murdabad” ine a·bokgiparangba da·ode “Meghalaya Zindabad” inskaengaha, maina da·o kakketko mikkangona ra·bana man·aha,” ine uamang parakataha.
Meghala a·dok aro uno songdonggipa manderangni bidingo mamung pangchakani gri ong·gija kattarangko agane bodnam ka·anina dos dakgiparangni kosako niamni gita ja·ku de·china TGAM sorkariko mol·molaha.
Meghalaya-ra tom·tomgipa, nitogipa aro manderangko name sokachakgipa biap ong·a, uandaken a·dokko nina re·baenggipa pilakkon rimchaksoenga aro namgipa, orto-gnanggipa bewalo a·dokko nina, biapni guiderang aro tourism service providerrangko jakkalchina TGAM parakataha.
Na·simang ia video-koba nina man·gen:
Na·simang iakoba poraina man·gen: Shillongni Harijan colonyni manderangko jitataniko sorkari tik ka·kuja
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Instagram- www.instagram.com/ne_media_hub
