Shillong, Sept 28: Meghalaya a•dokni damgittam Assembly constituency-rango bye-election-ko re•baenggipa October 30 tariko ong•atna gita Election Commission tik ka•e donangaha.
Meghalaya a•dokni Chief Electoral Officer Frederick Kharkongor-ni u•iatani gitade, bye-election-ko October 30 tariko ong•ate result-rangko November 2 tariko parakgen.
Meghalaya a•dokni bye-election-rangko, gipin dam 10 a•dokni dam 12 Assembly constituency-rang baksana dam 3 parliamentary constituency-ni election baksa apsan ong•atanggen.
Ia bye-election-na gazetted notification-ko October 1 tariko on•gen aro nomination file ka•ani bon•kamgipa tarikara October 8 tarik ong•gen. Nomination-rangko October 11 tariko nipilanggen aro nomination-rangko ra•pilani bon•kamgipa tarikara October 13 tarik ong•skagen.
Ia bilsini gisepo Meghalaya a•dokni MLA sakgittam, chong•motan Mawryngkneng constituency-ni MLA David A Nongrum, Mawphlang constituency-ni MLA SK Sunn aro Rajabala constituency-ni MLA Dr Azad Zaman, siangahani gimin ia damgittam constituency-ni by-election-ko ong•atna nangengachim.
